Նորություններ

Հայաստանում են «Միացյալ Ռուսաստան» կուսակցության պատգամավորները եւ արդյունաբերության ոլորտի գործարարները

Պաշտոնական այցով Հայաստան է ժամանել «Միջազգային գործարար կապերի աջակցման խորհրդի» նախաձեռնությամբ Ռուսաստանի Դաշնությունից պետական պաշտոնյաների պատվիրակությունը: Պատվիրակության անդամները սեպտեմբերին իրենց ունեցած այցից հետո վերադարձել են ՀՀ  գործնական առաջարկներով։

Նրանք հետաքրքրված են ՀՀ-ում  մի շարք ոլորտներում աշխատանքներ սկսելու, ներդրումներ անելու, արտահանման և նեմուծման  համագործակցություն սկսելու, ինչպես նաև համատեղ ծրագրեր մշակելու:

Պատվիրակության կազմում են «Единая Россия» կուսակցության պատգամավորները, ինչպես նաև արդյունաբերության ոլորտի գործարարներ և  այլ  ներկայացուցիչներ:

Վաղը տեղի է ունենալու մամլո ասուլիս, որի ժամանակ առաջին փուլով բանախոսելու է «Միջազգային գործարար կապերի աջակցման խորհրդի» նախագահ Մարիամ Մանուկյանը։Երկրորդ փուլում տեղի է ունենալու ռուսական պատվիրակության և Տուրիզմի  Հայկական ֆեդերացիայի միջև համաձայնագրի կնքում, ինչպես նաև այլ տուրիստական ընկերությունների հետ պայմանագրերի կնքում։

 

Back to top button
Close