Նորություններ

Ոստիկանները բացահայտել են դանակահարության դեպքը

Նոյեմբերի 8-ին, ժամը 05.40-ին, ոստիկանության Էրեբունու բաժնում հաղորդում է ստացվել, որ «որովայնի առաջնային պատի աջ գոտկային շրջանի կտրած-ծակած վերք» ախտորոշմամբ բժշկական կենտրոն բուժօգնության է տեղափոխվել 27-ամյա մի տղամարդ։ Տուժածին ուղեկցող անձը հայտնել է, որ Մալաթիայի տարածքում նրան դանակով հարվածել են:

Ըստ բժշկի տեղեկանքի տղամարդն ի վիճակի չի եղել բացատրություն տալու:
Ձեռնարկված օպերատիվ միջոցառումների շնորհիվ պարզվել է, որ տղամարդը վնասվածքը ստացել է ժամը 04.30-ին, Բեռնակիրների փողոցի տներից մեկում։ Էրեբունու ոստիկանները պարզել են նաև, որ դանակահարողը 65-ամյա տանտիրուհին է եղել։

Կինը ոստիկաններին է ներկայացրել հանցագործության գործիք դանակը:

Նշանակվել է դատաբժշկական փորձաքննություն:
Կատարվում է նախաքննություն:

Ավելին
Back to top button
Close