ՆորություններՔո ձայնը

Փորձ է արվում անվստահություն ստեղծել Հայաստանի և Արցախի իշխանությունների միջև՝ հասնելով հարաբերությունների վատթարացման

Գոնե իմ տպավորությամբ փորձ է արվում ամեն գնով լուրջ հակադրություն ու անվստահություն ստեղծել Հայաստանի նոր իշխանությունների և Արցախի իշխանությունների միջև՝ հասնելով հարաբերությունների վատթարացման։

Ճաշակի հարց է, թե ում է դա ձեռնտու, բայց շատ կեղտոտ խաղ է իրականացվում սադրողների կողմից։
Այդ ուժերն ազնիվ չեն Հայաստանի ու Արցախի նկատմամբ։ Իրենց խնդիրն է ապակայունացնել իրավիճակը՝ փորձելով ձուկ որսալ պղտոր ջրում։

Ես չեմ կարծում, որ Հայաստանի որևէ իշխանության շահերից կբխի ոչ բավարար հարաբերություններ ունենալ Արցախի իշխանությունների հետ։

Առհասարակ, անհեթեթ է այդպիսի ընկալումն անգամ։
Արցախը Հայաստանի թիկունքն է և հակառակը։
Հայաստանը չի կարող առաջ գնալ՝ ունենալով իրեն չվստահող թիկունք։
Ու՞մ համար պարզ չէ, որ արդի աշխարհաքաղաքական իրողությունների պայմաններում եթե չկա Արցախ, ուրեմն չկա և Հայաստան։

Ուստի պետք է մեր գիտակցությունից իսպառ հանենք Արցախը ծախելու այս մերկապարանոց պնդումները։

Արցախը ծախելով՝ ծախելու ենք Հայաստանը։
Ժողովու՛րդ, Հայաստանը երբեք չենք ծախելու։
Սա մեր վերջին հայրենիքն է, իսկ հայրենիքը չե՛ն ծախում․․․

Back to top button