Նորություններ

Մարտի 1-ին 30-35 խմբեր են եղել, որոնց համազգեստ է տրվել, սպասում եմ նրանց անուններին․ Արթուր Սաքունց

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ասում է, թե տպավորություն կա, որ տարբեր քրեական գործերում ներգրավված նախկին բարձրաստիճան պաշտոնյաներն իրենց առողջական խնդիրներն օգտագործում են արդարադատությունից խուսափելու համար։

«Անկախ տարիքից չկա մեկը, որ առողջ լինի։ Նաև սրա մեջ կա որոշակի ցինիզմ՝ գլուխ են գովում, թե արդյունավետ պետական ինստիտուտներ են թողել, բայց իրենց թողած բժշկական համակարգից օգտվելու հնարավորությունը չեն տեսնում։ Կամ էլ այդ խնդիրներով թուըյլտվություն ստանալը դիտարկում եմ փախուստ պատասխանատվությունից»,- ասում է նա։

Խոսելով Մարտի 1- գործով մեղադրվող՝ նախկին նախագահ Ռոբերտ Քոչարյանի մասին, Ա․Սաքունցն ասում է, թե նա եղել է իշխանությունը զավթած գործիչ, որը համակարգային տեսք տվել կոռուպցիոն դրսևորումներին։ «Մի մասով քրեական գործ է գնում, մյուս մասով էլ դեռ կհարուցվեն»,- ասում է իրավապաշտպանը։

Ա․Սաքունցը, սակայն, տարօրինակ է համարում, որ Մարտի 1-ի գործով մեղադրյալների շարքում չկա այդ դեպքերի ժամանակ վարչապետ Սերժ Սարգսյանի անունը։

Բացի այդ, նրա ներկայացմամբ, 30-35 ֆորմալ խմբավորումներ են եղել, որոնց համազգեստ է բաժանվել։ «Ես սպասում եմ նաև նրանց անուններին՝ պատգամավորներ ու այլ գործիչներ կային։ Եվ իմ հարցը նոր իշխանություններին՝ ինչու ուշ արվեց այս ամենը, որ շուտ պետք է արվեր»,- հարց է բարձրացնում նա։

Մանրամասները տեսանյությում՝

a1plus.am

Ավելին
Back to top button
Close