ՀԵՏԱՔՐՔԻՐ ԷՆորություններ

Ինչպես են որսորդները մերկ ձեռքերով բռնում 6 մետրանոց աֆրիկյան լեռնային պիթոնին

Շատ երկրներում օձերի որսը գոյատեւելու միջոց է: Աֆրիկայում օձերը ծառայում են որպես սնունդ, իսկ պիթոնի կաշին էլ բավականին թանկ արժե շուկայում:

Ստորեւ ներկայացվում է, թե ինչպես են որսորդները բռնում 6 մետրանոց աֆրիկյան լեռնային պիթոնին:

Լեռների վրա գտնելով  պիթոնի բույնը, որը մոտ 10 մետր երկարություն ունի, նախ որսորդի մեկ ձեռքին փաթաթում են բիզոնի մորթու մի կտոր: Տղամարդկանցից մեկն օձի բույն է մտնում գլխիվայր: Մինչ այդ, նա հատուկ քսայուղով է պատում մարմինը՝ բնում խցկված չմնալու համար:

Օձն անցնում է հարձակման, եւ որսորդը նրա կողմն է մեկնում բիզոնի մորթով պատված ձեռքը: Երբ ապակողմնորոշված օձը փորձում է կծել այդ ձեռքը, որսորդը մյուս ձեռքով փակում է սողունի կերակրափողը:

Հսկայական պիթոնը ձեռքին բնից միայնակ դուրս գալն անհավանական բան է, եւ որսորդին օգնում են ընկերները՝ ոտքերից դուրս քաշելով:

Սակայն ամեն ինչ դրանով չի ավարտվում. օձն ազատ տարածությունում ավելի ուժեղ դիմադրություն է ցույց տալիս: Որսորդներից մեկը պետք է երկճիղ գործիքով գետնին սեղմի օձի գլուխը, մյուսը՝ բռնի պոչից, իսկ երրորդը պետք է կտրի կոկորդը՝ փորձելով չվնասել կաշին (այն դեռ պետք է վաճառել):

Անգամ 3 մետրանոց պիթոնն ի վիճակի է կուլ տալ մարդուն ամբողջությամբ՝ նախապես խեղդամահ անելով եւ կոտրելով ոսկորները:

«Ճակատամարտի» ավարտից հետո որսորդներից մեկը բնից հանում է անպաշտպան մնացած ձվերը: Կրակի վրա խորոված օձի ձուն նրբախորտիկ է համարվում:

Երբ որսով բեռնավորված տղամարդիկ վերադառնում են գյուղ, նրանց դիմավորում են ինչպես իսկական հերոսների:    

 

Աղբյուր՝ bigpicture.ru

Ավելին
Back to top button
Close