ՆորություններՔո ձայնը

Ամուլսարի դիրքերը չեն բացվելու, այլ հակառակը՝ ավելի ամրանալու են

«Մանթրաժը աննկարագրելի ա…
Բայց իմ դիրքորոշումը համընկնում ա բոլոր էն մարդկանց դիրքորոշման հետ, ովքեր ուզում են պահպանեն շրջակա, առանց այդ էլ վերացած, բնությունը, ու չեն ուզում Ջերմուկը արժանանա Չեռնոբիլի ճակատագրին:
Ես համարում եմ մեր վարչապետին իմաստուն և հեռուն նայող մարդ, բայց կիսելով իր որոշումների մեծ մասը այս մեկի հետ ոչ մի կերպ չեմ կարող հարմարվել…»

Ֆեյսբուքյան իր էջում հաղորդավար Գագիկ Պապոյանը այսպես է պատասխանել ՀՀ վարչապետի՝ Ամուլսարը ապարջափակելու կոչին:

Պապոյանը գրել է.

«Տեղի  ունեցավ անսպասելի հայտարարություն Վարչապետ Նիկոլ Փաշինյանի կողմից, որում հիմնական կոչը հետևյալն էր՝ բացել Ամուլսարի պոստերը, բացել ճանապարհները Լիդիանի առաջ։ Բացել այն պարագայում, երբ մեր պետության կողմից վստահված միջազգային հետազոտող կազմակերպությունը բաց հայտարարեց բոլորի առաջ, որ Լիդիանի փաստաթղթերը թերի են և ոչ պրոֆեսիոնալ։ Բացել այն պարագայում, երբ մի ողջ առողջարանային քաղաք դեմ է իր հարևանությամբ ունենալու մետաղական հանք։

Մենք պատասխանում ենք այդ կոչին և մեր պատասխանը շատ կարճ է ու հստակ։

— Ամուլսարի դիրքերը չեն բացվելու, այլ հակառակը՝ ավելի ամրանալու են։ Մենք թույլ չենք տալու, որպեսզի այդ հանքը շահագործվի, Ամուլսարը մնալու է սար։ Մենք պայքարելու ենք մինչև վերջ․․․

Իսկ հիմա մենք հանդես գանք կոչով, որը ուղղված է այս խնդրով մտահոգ բոլոր հայերին։ Եկեք իրականացնենք ժողովրդական ուժերի միավորում և կանգնենք Ջերմուկում ապրող մեր հայրենակիցների թիկունքին, համայն հայությամբ։
Առաջին քայլը՝ տարածեք այս հայտարարությունը, թող բոլորը տեսնեն և պայքարին միանալու իրենց համաձայնությունը տան հավանումների ու կիսումների միջոցով։ Թող բոլորը տեսնեն ու զգան մեր քանակը, մեր միասնականության ուժը»:

 

Ավելին
Back to top button