ՆորություններՔո ձայնը

Որոշել ենք իմ նկատմամբ քրեական հետապնդումը դադարեցնելու միջնորդություն ներկայացնել․ Սանասարյանը փաստաթուղթ է հրապարակել

Պետական վերահսկողության պետ Դավիթ Սանասարյանը, որի լիազորությունները ժամանակավորապես դադարեցված են, ֆեյսբուքյան իր էջում գրառում է կատարել՝ տեղեկացնելով, որ պաշտպանների հետ որոշել են իր նկատմամբ քրեական հետապնդումը դադարեցնելու միջնորդություն ներկայացնել։

Գրառումն ամբողջությամբ ներկայացնում ենք ստորեւ․

«Սիրելի ընկերներ,

Հայտնում եմ, որ քրեական գործի նյութերն ուսումնասիրելուց հետո պաշտպանների հետ որոշել ենք իմ նկատմամբ քրեական հետապնդումը դադարեցնելու միջնորդություն ներկայացնել՝ հղում անելով արդեն քրեական գործում առկա ողջ նյութերին։

Նախաքննության մարմնի եւ դատախազության կողմից միջնորդությունը քննարկելուց հետո հանդես կգանք ասուլիսով եւ կպատասխանենք բոլոր հարցերին։

Միեւնույն ժամանակ, վստահ լինելով, որ հանրության գերակշիռ մեծամասնությունը համոզված է իմ անաչառության, ազնվության եւ սկզբունքայնության հարցում, այդուհանդերձ, զանգվածային լրատվամիջոցներով եւ ֆեյսբուքով շրջանառվող բամբասանքների ազդեցության տակ ընկած անձնաց համար հայտնում եմ, որ քրեական գործի նյութերում որեւէ նման տվյալ այդ թվում օպերատիվ տվյալներ առկա չեն։

Կից հրապարակում եմ ԱԱԾ քննչական մարմնի հանձնարարությամբ ԱԱԾ տնտեսական անվտանգության եւ կոռուպցիայի հակազդման դեպարտամենտի կողմից իրականացված օպերատիվ միջոցառումների արդյունքները։

Արդարությունն անպայման վերականգվելու է»։

Back to top button
Close