ՆորություններՍպորտ

ՊՍԺ-ն Նեյմարին կարող է վաճառել Ռեալին․ ակումբը գործարքից ուզում է ստանալ Վինիսիուսին ու Մոդրիչին

«Պարի Սեն Ժերմենը» և «Բարսելոնան» շարունակում են բանակցել Նեյմարի տրանսֆերի շուրջ։ Եթե բանակցությունները դրական արդյունք չտան, ֆրանսիական ակումբը կփորձի բրազիլացի հարձակվողին վաճառել Մադրիդի «Ռեալին»։

Ինչպես տեղեկացնում է Marca-ն, ՊՍԺ-ն ցանկանում է իրադարձությունների նման զարգացման դեպքում ստանալ «արքայական» ակումբի երկու ֆուտբոլիստների՝ Լուկա Մոդրիչին և Վինիսիուս Ժունիորին։ Վերջինիս ծառայություններով հետաքրքրված է «Պարի Սեն Ժերմենի» սպորտային տնօրեն Լեոնարդոն։

Ավելի վաղ հայտնի էր դարձել, որ Նեյմարի ապագայի հարցը կարող է հանգուցալուծում ստանալ առաջիկա երկու օրերի ընթացքում։ Ավելի հավանական է թվում Նեյմարի վերադարձը «Կամպ Նոու»։

Մադրիդի «Ռեալի» կիսապաշտպան Լուկա Մոդրիչի մոտ կանգնած աղբյուրներից մեկը օրեր առաջ հաստատել էր, որ խորվաթ ֆուտբոլիստը չի պատրաստվում ոչ մի տեղ հեռանալ։

armsport.am

Ավելին
Back to top button