ՆորություններՔո ձայնը

«Արայիկի հետ ծառայել ենք նույն զորամասում: Խորհուրդ եմ տալիս զերծ մնալ «դավաճան» պիտակավորումներից»

Լրագրող Հովհաննես Վարդանյանը սոցցանցի իր էջում անդրադարձել է զինծառայող Արայիկ Ղազարյանի՝ Ադրբեջանի տարածքում հայտնվելու փաստին՝ նշելով.

«Ըստ իս Ադրբեջանի տարածքում հայտնված Արայիկ Ղազարյանը չի լքել մարտական դիրքը։ Արայիկի հետ ծառայել ենք նույն զորամասում։ Համոզված եմ՝ նրան չե՛ն վիրավորել, պատիվն ու արժանապատվությունը չե՛ն ոտնահարել։ Նախքան զորացրվելս եղել եմ նրանց մարտական դիրքում։

Բոլորն էլ մեծ պատվով կատարում էին իրենց առջև դրված խնդիրը։ Արայիկի հետ զրուցել եմ, երբ նոր էր զորակոչվել բանակ, հանգիստ ու հավասարակշռված տղա է։ Չեմ հավատում, որ կարող էր լքել մարտական դիրքը։

Ադրբեջանական քարոզչամեքենան ավանդույթի համաձայն հատում է հնարավոր բոլոր եզրագծերը։ Եվ ընդհանրապես, խորհուրդ եմ տալիս զերծ մնալ «դավաճան» պիտակավորումներից։ Սխալ է։ Անցկացվում է ծառայողական քննություն»։

Ավելին
Back to top button
Close