ԿԱՐԵՎՈՐԻ ՄԱՍԻՆՆորություններ

«Այնպիսի խնդիրներ են ջրի երես դուրս գալիս, որ նույնիսկ փշաքաղվել կարելի է». Հայկ Գեւորգյան

Նախորդ իշխանությունների գործունեությանը քաղաքական գնահատական տալու համար կարեւոր չեն երկու էջանոց տեքստերն ու կետերը, ԳԱԼԱ-ի հետ զրույցում հայտնել է ԱԺ պատգամավոր, «Իմ քայլը» խմբակցությունից Հայկ Գեւորգյանը:

«Պարտադի՞ր է, որ երկու էջանոց տեքստ լինի եւ գնահատական գրվի հատուկ կետերով՝ 1, 2, 3, կամ դրվի մի հատ էլ վերնագիր: Մեր ամբողջ գործունեությունը քաղաքական գնահատական է նախորդ իշխանությունների գործունեությանը: Այնպիսի խնդիրներ են ջրի երես դուրս գալիս, որ նույնիսկ փշաքաղվել կարելի է»,-նշում է պատգամավորը:

ԳԱԼԱ-ի հարցին, թե ոչ հստակ գործունեությունը կարող է կասկածի հիմքեր տալ, որ իշխանությունները նախորդների հետ ստվերային պայմանավորվածությունների մեջ են, Գեւորգյանն արձագանքեց. «Մենք չենք կարող գնալ ու 20 միլիոնանոց դղյակից հանել մեկին տապոռով, թե սա պետական է, պետք է պետականացնենք: Չի լինի: Ամբողջ աշխարհում կարգ կա, որ անձը պետք է կարողանա հիմնավորել, որ սեփականությունն իրենն է, պետք է ժամանակակից սկզբունքներով գործել եւ ամեն ինչ անել օրինական կարգով»:

Ավելին
Back to top button