ՄիջազգայինՆորություններ
Կրեմլը խնդիր չի դնում լիովին արգելել ռուսաստանցիների թռիչքները Վրաստան. Պեսկով
Ռուսաստանցիների Վրաստան մեկնելը լիովին արգելելու խնդիր չկա, բայց պետություն իր քաղաքացիների անվտանգությունն ապահովելու նպատակ Է հետապնդում:
Այդ մասին լրագրողներին պատմել Է ՌԴ-ի նախագահի մամուլի քարտուղար Դմիտրի Պեսկովը՝ մեկնաբանելով հարեւան երկրներում շաթլների գործարկման՝ տարբեր ավիափոխադրողների եւ հյուրանոցատերերի նախաձեռնությունները՝ զբոսաշրջիկներին Վրաստան հասցնելու համար:
«Բնականաբար, խոսել այն մասին, թե մարդիկ լիովին կդադարեն մեկնել Վրաստան, անհնարին Է, եւ անհնարին Է մարդկանց արգելել մեկնել Վրաստան, ոչ ոք չի պատրաստվում դա անել»,- ասել Է Պեսկովը: Նա պարզաբանել Է, որ պետությունը կարող Է «սոսկ քաղաքացիներին խորհուրդ տալ՝ ուշադրություն դարձնելու իրենց անձնական անվտանգության այն սպառնալիքների վրա, որոնք կարող են այս ժամանակ ծագել Վրաստանում»: Բացի դրանից, Կրեմլի ներկայացուցչի խոսքով՝ «կարելի Է ձեռնարկել տուրիստական հոսքի կրճատման միջոցներ մեր քաղաքացիների անվտանգության ապահովման նպատակով», հաղորդել Է ՏԱՍՍ-ը:
