ՄիջազգայինՆորություններ

Նա, ով կհամաձայնի Իվանիշվիլիի հետ կամ հիմար է կամ ծախված. Սաակաշվիլի

Վրաստանի երրորդ նախագահ Միխեիլ Սաակաշվիլին հայտարարել է, որ Իվանիշվիլիի հետ համաձայնողը կամ հիմար է կամ ծախված: Խոսքը վերաբերում է Բիձինա Իվանիշվիլիի կողմից արված հայտարարությանը, որի համաձայն 2020 թվականի խորհրդարանական ընտրությունները կանցկացվեն համամասնական ընտրակարգով: Սաակաշվիլիի խոսքով՝ սրան ի պատասխան ժողովուրդը պետք է շարունակի ակցիաները Վրաստանի ողջ տարածքով:

Նախկին նախագահի խոսքով զրոյական անցումային շեմով 2020 թվականին ընտրություններ անցկացնելը Իվանիշվիլիին հնարավորություն կտա փոքր-փոքր կուսակցություններ գնել:

«Իվանիշվիլին այժմ խուճապի մեջ է: Նա պետք է պաշտոնից հեռացնի Գախարիային, ազատի բոլոր ձերբակալվածներին և նշանակի արտահերթ խորհրդարանական ընտրություններ»,- տեսաուղերձով հայտարարել է Սաակաշվիլին:

Նշենք նաև, որ ընդդիմությունն արդեն հայտնել է իր գոհունակությունը  իշխող կուսակցության որոշումից, բայց դեռևս շարունակում է պահանջել երկրի ներքին գործերի նախարարի հրաժարականը:

 

Ավելին
Back to top button