Նորություններ

Զինվոր որդուս սպանությունը ներկայացնում են ինքնասպանություն. հայրն ասում է՝ փաստեր ունի

2013 թվականին պարտադիր զինվորական ծառայության ընթացքում մահացած Արման Մուրադյանի հայրը՝ Հովսեփ Մուրադյանը, այսօր կառավարության դիմաց բողոքի ակցիա էր իրականացնում: Արման Մուրադյանի մահը ներկայացվել է որպես ինքնասպանությւն, մինչդեռ Հովսեփ Մուրադյանը պնդում է, որ սպանություն է տեղի ունեցել:

Ըստ Հովսեփյանի՝ իրենք ունեն փաստեր, որդու զինգրքույկը իրենց մոտ է: Հայրն ասում է՝ որդուն մի զորամասից այլ զորամաս են տեղափոխել, բայց այդ մասին զինվորական գրքույկում  նշված չի եղել, նաև, ըստ Հովսեփ Մուրադյանի՝ զենքը, որից եղել է կրակոցը, իր որդու զինգրքույկում գրանցված չի եղել, նրա մատնահետքերը ևս չեն եղել դրա վրա:

«Մենք ունենք աղաղակող փաստեր, որ ինքնասապանության գործը սպանությունից վերագրել են սպանության: Այժմ գործը գտնվում է վերաքննիչ դատարանում, սպասում ենք՝ դատախազությունը կբողոքարկի՞ Վերաքննիչ դատարանի կայացրած վճիռը, թե՞ ոչ»,-նշում է Հովսեփյանը:

Վերջինս նաև տեղեկացրեց, որ երկուշաբթի օրը կառավարությունում ընդունել են իրենց: Հնդիպմանը ներկա են եղել աշխատակիցներ դատախազությունից և քննչական բաժնից, որոնց էլ մահացած զինվորների ծնողները ներկայարցրել են իրենց ունեցած փաստերը:

«Անցած ռեժիմը ոչ մի քայլ էլ չէր ձեռնարկում, բայց իշխանափոխությունից հետո տեսանելի շարժ կա քրեական գործում, և հոսով ենք, որ քննիչներին և դատավորներին պատասխանատվության ենթարկելուց հետո գործը կրկին կուղարկվի նախաքննության»:

http://politik.am

Ավելին
Back to top button