Նորություններ

Խոշոր ավտովթար Երևանում. բախվել են 4 Mercedes-ները, Nissan-ն ու Hyundai-ն. օպերատիվ են գործել հրշեջ-փրկարարներն ու ոստիկանները

Խոշոր ու շղթայական ավտովթար է տեղի ունեցել Երևանում:  Մալաթիա-Սեբաստիա վարչական շրջանի Անդրանիկի փողոցում՝ մարզասարհի հարևանությամբ, բախվել են 25-ամյա Վարուժան Անդրեասյանի վարած Mercedes C180 մակնիշի 34 RA 044 համարանիշի, 39-ամյա Արտյոմ Վասիլյանի վարած Mercedes E220 մակնիշի 21 OՏ 212 համարանիշի, 66-ամյա Յուրի Հովհաննիսյանի վարած Mercedes C180 մակնիշի 35 GՏ 444 համարանիշի, 21-ամյա Ավետիք Թորոսյանի վարած Nissan Pathfinder մակնիշի 15 VN 999 համարանիշի, 28-ամյա Սուրեն Արաբաչյանի վարած Hyundai Elantra մակնիշի 35 TA 010 համարանիշի և Vազգեն Չարիֆաֆարիքյանի վարած Mercedes մակնիշի 35 GV 196 համարանիշի քարշակ ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով տուժածներ չկան: Օպերատիվորեն դեպքի վայր են ժամանել Արտակարգ իրավիճակների նախարարության փրկարար ծառայության թիվ 1 հրշեջ-փրկարարական ջոկատը՝ 1 մարտական հաշվարկով: Փրկարարները հոսանքազրկել են ավտոմեքենաները, փակել գազաբալոններն ու սահմանազատել տարածքը:

Օպերատիվորեն ժամանել են նաև ճանապարհային ոստիկանության 1-ին սպայական գումարտակի 1-ին դասակի տեսուչներ Արմեն Մովսիսյանն ու Հրաչյա Գևորգյանը: Փաստի առթիվ Ա. Մովսիսյանի կողմից նյութեր են նախապատրաստվում: Օպերատիվորեն ժամանել են նաև ապահովագրական ընկերությունների ներկայացուցիչները: Ըստ նախնական տեղեկությունների՝ բոլոր Mercedes-ները ճանապարհի թույլատրելի հատվածում կայանված են եղել և բախումը տեղի է ունեցել Hyundai Elantra և Nissan Pathfinder ավտոմեքենաների միջև:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

shamshyan.com

Ավելին
Back to top button