Նորություններ
Գյումրիում հնչել են կրակոցներ
Րոպեներ առաջ ԳԱԼԱ-ն ահազանգ ստացավ, որ Գյումրիում կրակոցներ են հնչել: Դեպքը տեղի է ունեցել Շիրակացի փողոցում՝ Արագած վաճառատան մոտակայքում: Ըստ տեղեկությունների, տեղի է ունեցել նախ վիճաբանություն, ապա կրակոցներ են հնչել:
Ներկայում տարածքը շրջափակված է ոստիկաններով, հանգամանքները ճշտվում են: Նշենք, որ Գյումրու ոստիկանության բաժնի պետ Սարգիս Մարտիրոսյանը ԳԱԼԱ-ի հետ զրույցում հաստատել է տեղեկությունը, որ կրակոցներ իսկապես եղել են, սակայն մանրամասներ հայտնել առայժմ հնարավոր չէ:
Դեպքի վայրում են նաեւ ԳԱԼԱ-ի աշխատակիցները եւ այլ մանրամասներ կհաղորդենք ավելի ուշ:
Քրիստինա Մկրտչյան
