Սպորտ

ՉԼ. ԲԿՄԱ-ն Մադրիդում «վրաերթի ենթարկեց» Ռեալին, Վիկտորիան կխաղա ԵԼ-ում

Չեմպիոնների լիգայի խաղարկությունում կայացավ G խմբի վերջին տուրը:

Մադրիդի «Ռեալը» սեփական հարկի տակ ընդունեց ԲԿՄԱ-ին: Սոլարիի ֆուտբոլիստները ֆիասկոյի ենթարկվեցին՝ պարտվելով 0:3 հաշվով: Ռուսական ակումբի կազմում գոլի հեղինակ դարձան Չալովը, Շչեննիկովը և Սիգուրդսոնը:

Չնայած հաղթանակին, մոսկովյան ակումբը կլինի 4-րդը ու չի մասնակցի Եվրոպա լիգային:

 

G խմբի մյուս խաղում Պլզենի «Վիկտորիան» «Դուսան Արենա» ստադիոնում 2:1 հաշվով հաղթեց «Ռոմային»:

Հանդիպման հաշիվը բացվեց երկրորդ խաղակեսի միջնամասում: 62-րդ րոպեին Յան Կոպիցի փոխանցումից հետո գոլ խփեց Յան Կովարժիկը: 5 րոպե անց «գայլերը» խփեցին պատասխան գնդակը: Գոլով աչքի ընկավ Ջենգիզ Ունդերը: Տանտերերը վերջնական հաշիվը ձևակերպեցին 72-րդ րոպեին Տոմաշ Խորիի խփած գոլի շնորհիվ:

Այսպիսով, G խմբում առաջին տեղով հաջորդ փուլ է դուրս գալիս «Ռեալը»՝ 12 միավորով, «Ռոման» երկրորդն է՝ 9 միավորով: «Վիկտորիա Պլզենը» վաստակեց 7 միավոր ու կխաղա ԵԼ-ում:

Ավելին
Back to top button