Նորություններ

Նիկոլ Փաշինյանի լավագույն նվերը ՀՀԿ-ին՝ շանս զրոյից. հանցավոր անգործություն, թե՞ համագործակցություն

«Հայկական ընտրություն» նախաձեռնության անդամ Արմեն Հովհաննիսյանը «Կարևորի մասին» հաղորդման շրջանակներում անդրադառնալով դեկտեմբերին կայանալիք արտահերթ խորհրդարանական ընտրությանը նշել է, որ այն չի լինի արդար, հաշվի առնելով հանգամանքը, թե ինչ պայմաններում է  տեղի ունենալու. չի փոխվել ՀՀ ընտրական օրենսգիրքը, ՀՀ կուսակցությունների մասին օրենքը, քաղաքական դաշտը չի կայացել…

«Ցավով պետք է ասեմ, որ ընտրություն է արվում նոր մակարդակի վրա հին համակարգը շարունակելու»,-նկատում է Արմեն Հովհաննիսյանը:

 «Արտաքին որևէ վտանգ Նիկոլ Փաշինյանին, Քաղաքացիական պայմանագրին չի սառնում: Հիմնական վտանգը դա ներքին է, իրենց տարափոխման, այլասերման և այլն, և դրանից խուսափելու համար քննադատությունը շատ կարևոր է»,-հավելում է նա:

Արմեն Հովհաննիսյանը նշում է՝ ՀՀԿ-ին պատժելը պարտադիր էր: Կատարված ամենամեծ հանցագործությունը համարում է պետական կառավարման համակարգի սեփականաշնորհումը և սահմանադրական կարգի փաստացի չեղարկումը:

Իսկ ինչու՞ տեղի չունեցավ լյուստրացիա: Հովհաննիսյանի խոսքերով, դա անարյուն իշխանությունը զիջելու գինն էր:

«Վիգեն Սարգսյանն էլ բաց տեքստով հայտարարեց, որ չի կարելի լյուստրացիայի ենթարկել մի քաղաքական ուժի, որը խաղաղ, առանց արյուն տվեց իշխանությունը: Այսինքն, բացահայտեց այն մեխանիզմը, որի մասին մենք խոսում ենք»:

ՀՀԿ-ին տրված լավագույն նվերը Ընտրական օրենսգրքի փոփոխությունների տապալումն է համարում:

«Մարդիկ 0-ից ստացան շանս: Այդ շանսը տրվեց և դա ակնհայտ է նույնիսկ ներկա իշխանությունների ջերմեռանդ կողմնակիցների համար, տրվեց առնվազն իշխանությունների համաձայնությամբ:Առնվազն: Բացահայտ հանցավոր անգործության պայմաններում»:

 

Ավելին
Back to top button