Վարչախումբը փորձում է խորացնել վախի մթնոլորտը. հայտարարություն
«Ժողովրդավարական Հայրենիք» կուսակցության հայտարարությունը. «Մարտի 20-ին վարչախումբն իրականացրեց հերթական վենդետան իր քաղաքական հակառակորդների նկատմամբ, հատկապես այն ընդգծված դրսևորում են Արցախյան ազատամարտի հերոսների նկատմամբ։ Վարչախումբը դրանով փորձում է խորացնել վախի մթնոլորտը՝ կանխելով ցանկացած ըմբոստություն իրենց ազգադավ քաղաքականության դեմ։
ԺՀԿ-ն խստորեն դատապարտում է վարչախմբին և իր պարագլուխ Սերժ Սարգսյանի հերթական վրեժխնդրությունը Ժիրայր Սեֆիլյանի, Գևորգ Սաֆարյանի և մնացած քաղբանտարկյալների նկատմամբ։
Դիմում ենք քաղաքական բոլոր այն ուժերին, որոնք մտահոգված են մեր պետականության անհեռանկար ու վտանգավոր ընթացքից, օգտագործել ապրիլի 9-ից 17-ն ընկած ժամանակահատվածի հնարավորությունը՝ համախմբվել, դիմել ժողովրդին, դուրս գալ հրապարակ, կանխել վարչախմբի վերարտադրությունը, որով հնարավոր կլինի ազատություն բերել ոչ միայն քաղբանտարկյալներին, այլև ամբողջ հայ ժողովրդին»։
«Ժողովրդավարական Հայրենիք» կուսակցություն
