Նորություններ
«Միայն ադրբեջանցիների պատկերացմամբ հայ դիվերսանտները սպիտակ համարներով ՈւԱԶ-ով կգնային դիվերսիայի»
ՀՀ ՊՆ մամուլի խոսնակ Արծրուն Հովհաննիսյանը ֆեյսբուքյան իր էջում գրառում է կատարել՝ անդրադառնալով ադրբեջանական կողմի հերթական ապատեղեկատվությանը.
«Միայն ադրբեջանցիների պատկերացմամբ հայ դիվերսանտները սպիտակ համարներով ՈւԱԶ-ով կգնային դիվերսիայի։ Իսկ մեքենան ինչո՞ւ է հետևից նկարված, կամ եթե նկատել եք մեքենան, բա դիվերսանտներն ու՞ր են»,-գրել է Հովհաննիսյանը։
Նշենք, որ այսօր Ադրբեջանի ՊՆ-ն տեղեկություն է տարածել, որ Ղազախի ուղղությամբ հայկական զինուժը դիվերսիա է իրականացրել՝ դիրքերի ուղղությամբ տեղաշարժվելով ՈւԱԶ մակնիշի մեքենայով:
