Նորություններ

Վանաձորի թնջուկի վերջը. ՀՎԿ թեկնածուն դարձավ քաղաքապետի տեղակալ

Վանաձորի ավագանին այսօր Սահմանադրական դատարանի որոշման հրապարակումից հետո հրավիրեց առաջին արտահերթ նիստը, որի ժամանակ Վանաձորի ավագանին կողմ քվեարկեց ՀՎԿ խմբակցության ղեկավար Արկադի Փելեշյանին քաղաքապետի առաջին տեղակալի պաշտոնում առաջարկելու գաղափարին:

Իսկ Մամիկոն Ասլանյանի տեղակալներից Արտյոմ Գրիգորյանը հրաժարական էր ներկայացրել: Սա նշանակում է, որ արդեն հաջորդ նիստին ՀՀԿ-ՀՅԴ կոալիցիայի հետ Վանաձորի ավագանու նիստերին կմասնակցի ՀՎԿ խմբակցությունը, իսկ ՀՎԿ խմբակցության ղեկավար Արկադի Փելեշյանը կզբաղեցնի Ասլանյանի հարևան աթոռը:

Հիշեցնենք, 2016 թվականի հոկտեմբերի 2-ին Վանաձորի ավագանու ընտրությունների արդյունքում ՀՀԿ-ն պարտվեց: Սակայն առաջին արտահերթ նիստի ժամանակ փակ գաղտնի քվեարկությամբ Վանաձորի քաղաքապետ դարձավ ՀՀԿ-ական Մամիկոն Ասլանյանը:

«Լուսավոր Հայաստան», ԲՀԿ և «Հայկական վերածնունդ» խմբակցությունները բոյկոտեցին ավագանու նիստերը և մինչ օրս չէին մասնակցում։ ՀՀԿ-ՀՅԴ կոալիցիան նիստեր գումարում էր՝ լինելով փոքրամասնություն:

Նոյեմբերի 10-ին Սահմանադրական դատարանը  հակասահմանադրական ճանաչեց Վանաձորի ավագանու գումարած բոլոր նիստերը: 

Իսկ դրանից ուղիղ մեկ շաբաթ անց՝ նոյեմբերի 18-ին, Վանաձորի տեղի ՀՀԿ և ՀՎԿ գրասենյակները համագործակցության հուշագիր ստորագրեցին: Ըստ հուշագրի՝ «Հայկական վերածնունդ»-ը պետք է ստանար Վանաձորի քաղաքապետի տեղակալի պաշտոնը:

Ավելին
Back to top button