Սիրիական բանակն արդեն Դեյր-էզ-Զորի մոտակայքում է

Սիրիական բանակը եւ դաշնակից ստորաբաժանումներն արդեն մոտեցել են Դեյր-էզ-Զոր քաղաքին եւ գտնվում են ընդամենը մի քանի կմ հեռավորության վրա, հաղորդում է Deutsche Welle-ն:

«Իսլամական պետության» դիրքերի վրա գրոհները տեղի են ունենում 3 ուղղություններով: ԻՊ-ի գրոհայինների դեմ ծանր մարտեր են ընթանում:

Դեյր-էզ-Զոր քաղաքը հանդիսանում է ջիհադիստների գլխավոր հենակետերից մեկը: Այդ քաղաքի 2 շրջաններում արգելափակված են սիրիական զինված ուժերի մի քանի ստորաբաժանումներ:

Միեւնույն ժամանակ քրդերի ղեկավարած կոալիցիոն ուժերն ԱՄՆ-ի աջակցությամբ գրոհ են ձեռնարկել «Իսլամական պետության» ինքնահռչակ խալիֆայության մայրաքաղաքի՝ Ռաքքայի ուղղությամբ:

Աղբյուր՝ Deutsche Welle

Թարգմ.՝ Էդուարդ Մխիթարյան