Սիմեոնե. «Ատլետիկոյից» հեռանալու 35 միլիոն պատճառ ունեի
Մադրիդի «Ատլետիկոյի» գլխավոր մարիչ Դիեգո Սիմեոնեն հարցարույց է տվել as.com-ին, որի ժամանակ մի քանի հետաքրքիր մքեր է արտահայտել:
— Հինգ ու կես տարի է այստեղ եմ, սակայն ինձ դեռ երջանիկ եմ զգում: Ամեն օր ֆուտբոլիստներից էներգիա եմ ստանում: Այն պահպանում է իմ առոջղությունը: Տեսեք, թե «Սևիլյայի» հետ խաղում (3:0) թիմն իրեն ինչպես դրսևորեց: Հենց դա ինձ հույս է տալիս:
— Միլանում կայացած Չեմպիոնների լիգայի եզրափակչից (2016 թվական) հետո ասացիք, որ մտածելու եք Ձեր ապագայի մասին:
— Մամուլի ասուլիսի սրահ գնալու ճանապարհին տեսա, թե «Ռեալն» ինչպես է տոնում: Դա շատ ցավալի էր ինձ համար: Այդ պահին պատկերացրեցի, թե որքան դժվար է լինելու հաջորդ մրցաշրջանը, չէ որ ֆուտբոլիստներին պետք է նորից տրամադրեմ:
— Կարողացա՞ք շտկել այդ իրավիճակը:
-Ոչ: Մտածելու շատ բան ոկար: Պատկերացրեք, այլ ակումբ տեղափոխվելու համար 35 միլիոն պատճառ ունեի: 35 միլիոն… Սակայն չցանկացա հեռանալ, որովհետև նախկինի պես ինձ «Ատլետիկոյի» մասնիկն եմ համարում:
Շուտով մեր թիմն ավելի ուժեղ և մեծ է դառնալու: Մենք բացելու ենք նոր մարզադաշտը, ինչի արդյունքում ակումբի բյուջեն ավելի կմեծանա:
— «Ատլետիկոյի» հետ պայմանագին ինչու եք 2020-ից կրճատել մինչև 2018 թվականը:
— Որովհետև հասկացանք, որ իմ ու ակումբի համար այդպես ավելի լավ կլինի:
— Ինչու է ակումբի համար լավ լինելու:
— Նախորդ համաձայանագրիս պայմանները բարելավվել էին: Ակումբին դժվար է երկար ժամանակ աջակցել մարզչին, որովհետև ստիպված է մեծ գումար վճարել: Պարզ է, որ քիչ վճարելու դեպքում դա ավելի հեշտ է:
