Օգտակար խորհուրդներ. կակաոն պաշտպանում է քաղցկեղից, դիաբետից, ինֆարկտից եւ գլխուղեղի կաթվածից

Այս համեղ ըմպելիքն էներգիայի աղբյուր է եւ կարող է օրգանիզմը պաշտպանել վիրուսներից եւ ինֆեկցիաներից: Այն բարձրացնում է տրամադրությունը եւ կենսունակությունը:

Կակաոն պարունակում է նյութեր, որոնք կարգավորում են հիշողությունը եւ խթանում են գլխուղեղի աշխատանքը, ինչպես նաեւ կարգավորում է արյան մեջ խոլեստերինի մակարդակը:

Կակաոն առաջատար է օգտակար միկրոտարրերի պարունակությամբ, իսկ պարունակած ցինկի քանակով հավասարը չունի:

Կակաոն պարունակում է սպիտակուց (12-15%), ճարպ, ածխաջրեր (6-10%), В խմբի վիտամիններ, հակաօքսիդանտներ:

Վերջին հետազոտությունները բացահայտել են, որ կակաոն ունի եւս մեկ բաղադրատարր՝ կոկոհիլ, որը նպաստում է մաշկի բջիջների աճին եւ բազմացմանը, վերքերի սպիացմանը եւ կանխում է կնճիռների գոյացումը:

Կակաոն պարունակում է եւս մեկ նյութ՝ epicatechin, որի շնորհիվ օրգանիզմը պաշտպանում է այնպիսի հիվանդություններից, ինչպիսին է քաղցկեղը, դիաբետը, ինֆարկտը եւ գլխուղեղի կաթվածը:

Ամերիկացի գիտնականները հաստատել են այն փաստը, որ չնայած կակաոն պարունակում է ավելի շատ կալորիա, քան սուրճը, այն չի հանգեցնում քաշի ավելացման:

Խորհուրդ է տրվում կակաոն խմել օրվա առաջին կեսին: Կակաոյի մեջ առկա բնական մելանին գունանյութը կլանում է ճառագայթները, իսկ դա պաշտպանում է մաշկը ուլտրամանուշակագույն ճառագայթներից եւ արեւայրուքից:

Կակաոն, դարչինը եւ մեխակն ունեն յուրահատուկ հատկություն, որն օգնում է պայքարել մանրէների դեմ եւ նվազեցնում է հիվանդանալու հավանականությունը, հատկապես ձմռան ամիսներին: Կակաոն համարվում է հզոր հակաօքսիդանտ եւ շատ հարուստ է մագնեզիումով եւ վիտամիններով: Ինչի շնորհիվ այն դարձնում է օգտակար, հատկապես 40-ից բարձր տարիք ունեցող մարդկանց համար:

Դարչինը կարգավորում է արյան շրջանառությունը եւ նվազեցնում է օրգանիզմի բորբոքումները, իսկ մեխակն ունի հզոր հակաբորբոքիչ եւ ցավազրկող հատկություն:

Բաղադրամասերը

2 բաժակ կաթ

1, 1/2 ճաշի գդալ կակաո կամ շոկոլադ

1 թեյի գդալ դարչին

1/2 թեյի գդալ մանրացրած մեխակ

Մի քիչ աղ

Պատրաստման եղանակը

Կաթսայի մեջ լցնել կակաոն կամ շոկոլադը, համեմունքները, աղը, կաթը եւ եռացնել մարմանդ կրակի վրա: