Նորություններ

Սյունիքի մարզում 38-ամյա իրանցին «Iveco» բեռնատարով 40 մ գլորվելով` հայտնվել է ձորում. նրա դին դուրս են բերել Գորիսի փրկարարները

Հայաստանի քննչական կոմիտեի Սյունիքի մարզային քննչական վարչության Գորիսի քննչական բաժնում նյութեր են նախապատրաստվում` այսօր` հոկտեմբերի 26-ին, Սյունիքի մարզում տեղի ունեցած ավտովթարի փաստով:

Ինչպես  հայտնում է shamshyan.com-ը, ժամը 02:30-ի սահմաններւմ Երևան-Մեղրի ավտոճանապարհի 245.5 կմ հատվածում Իրանի Իսլամական Հանրապետության քաղաքացի, 38-ամյա Հաբիբ Ջամշիդի Մոհամմադինը իր վարած «Iveco» մակնիշի 24 D 525-10 համարանիշի բեռնատար ավտոմեքենայով դուրս է եկել ճանապարհի երթևեկելի գոտուց և մոտ 40 մետր գլորվելով` ընկել ձորը: Վթարի հետևանքով վարորդ. Հ. Մոհամմադինը տեղում մահացել է: Նրա դին ավտոմեքենայից, իսկ հետո` ձորից, դուրս են բերել Տարածքային կառավարման և արտակարգ իրավիճակների նախարարության փրկարար ծառայության Գորիսի թիվ 55 հրշեջ-փրկարարական ջոկատի աշխատակիցները, ովքեր ժամանել են 1 մարտական հաշվարկով:

Փրկարարները 2 ժամից ավելի աշխատանքներ են կատարել, թե դիակի հայտնաբերման, թե դուրս բերման ուղղությամբ, քանի որ եղանակը մառախղապատ էր և տեսանելիությունը բավականին ցածր:

Դեպքի վայր են ժամանել ճանապարհային ոստիկանութոյան 2-րդ սպայական գումարտակի 6-րդ վաշտի աշխատակիցնեը` վաշտի հրամանատար Անդրանիկ Շաղոյանի, հրամանատարի տեղակալ Գեղամ Մարգարյանի գլխավորությամբ: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Սյունիքի մարզային քննչական վարչություն, որտեղից ժամանել է քննչական խումբը` քննիչ Ա. Բալոյանի գլխավորությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

0f1e8d41a68f47791b0e3dd8135ce624 ecf9ce2834925f370d40a625770d2fb0

Լուսանկարները` Գագիկ Շամշյանի

 shamshyan.com 

Back to top button
Close