Միջազգային

Նեմցովի ընկերուհին գտնվում է հսկողության տակ, նա պատրաստվում է մեկնել Ուկրաինա

Սպանության պահին Բորիս Նեմցովին ուղեկցող  ընկերուհու`23-ամյա Աննա Դուրիցկայայի փաստաբանը «Ինտերֆաքսին» տված հարցազրույցում հայտնել է, թե որտեղ է վերջինս գտնվում:

«Աննան գտնվում է Նեմցովի համախոհներից մեկի բնակարանում: Նրան պահում են հսկողության տակ եւ ոչ մի տեղ չեն թողնում»,- հայտնել է պաշտպան Վադիմ Պրոխորովը: Նրա խոսքերով՝ Աննա Դուրիցկայան տվել է բոլոր անհրաժեշտ ցուցմունքները եւ հիմա մտադիր է վերադառնալ  Ուկրաինա»:

«Դեռ երեկ Աննան պաշտոնական հայտարարությամբ դիմել էր Մոսկվայում Ուկրաինայի դեսպանին, որպեսզի  վերջինս օգնի նրան վերադառնալ Կիեւ»,- ավելացրել է փաստաբանը: Վերջինս  նաեւ հայտնել է, որ առայժմ ոչ մի նորություն չունի սպանության գործի քննության վերաբերյալ:

Ավելի վաղ ՌԴ-ում Ուկրաինայի դեսպան Գենադի Բրեսկալենկոն հայտարարել է, որ չունի տեղեկություն այն մասին, թե որտեղ է Ուկրաինայի քաղաքացի Աննա Դուրիցկայան:11014801_647261385402472_2119772800_n 11042230_647261388735805_1073140254_n

Դիվանագետն ասել էր, որ եղել է  Ռուսաստանի քննչական կոմիտեում, որպեսզի հանդիպեր 23-ամյա ուկրաինուհի մոդելի հետ, սակայն դա նրան չի հաջողվել: Հայտնի է, որ աղջկան հարցաքննել են շաբաթ օրն առավոտյան, ինչից հետո նա լքել է քննչական կոմիտեի շենքը:

Հիշեցնենք, որ ռուսաստանցի քաղաքական գործիչ Բորիս Նեմցովին սպանել են Մոսկվայում կեսգիշերին նրա վրա արձակված 4 կրակոցով Կրեմլի դիմաց գտնվող Մոսկվորեցկի կամրջի վրա:

Սպանության փաստով հարուցվել է քրեական գործ «Սպանություն» եւ «Զենքի ապօրինի կիրառում» հոդվածներով: ՌԴ քննչական կոմիտեն ուսումնասիրում է մի քանի վարկած: Կոմիտեն տեղեկություններ ունի այն մասին, որ Նեմցովը սպառնալիքներ է ստացել  Փարիզի Charlie Ebdo երգիծական խմբագրության լրագրողների սպանության վերաբերյալ իր դիրքորոշման համար: Ճշտվում է նաեւ Ուկրաինայի իրադարձությունների հետ կապված վարկածը: Քննիչները չեն բացառում նաեւ, որ սպանությունը կարող է կապված լինել Նեմցովի առեւտրային գործունեության կամ նրա հանդեպ ունեցած անձնական բացասական վերաբերմունքի հետ:

Աղբյուր` lenta.ru

 Թարգմ.` Էդիտա Աթոյան

Back to top button
Close