ՀՀ Սահմանադրական փոփոխությունների հանրաքվեից առաջ գնահատականներ, կարծիքներ, տեսակետներ: Ինչու ասել «Այո» եւ ինչու՝ «Ոչ»: Քաղաքական բանավեճի հարթակ, որը կոչվում է «Հակառակ կողմը»:

«ՀՀԿ-ին արջի ծառայություն մատուցած մանկավարժները պետք է հասարակական պարսավանքի ենթարկվեն». «Հակառակ կողմը»՝ ՀԱԿ-ՀԺԿ–ՕՐՕ

hakarak

ՀՀԿ-ի համար աշխատած եւ իշխանություններին արջի ծառայություն մատուցած մանկավարժները պետք է հասարակական պարսավանքի ենթարկվեն:

ԳԱԼԱ-ի հետ զրույցում «Հակառակ կողմը» հաղորդման տաղավարում հայտարարում են Կոնգրես-ՀԺԿ եւ «Օհանյան-Րաֆֆի-Օսկանյան» դաշինքի ներկայացուցիչները:

Կոնգրես-ՀԺԿ դաշինքից Արման Գալոյանը եւ ՕՐՕ-ից Ստեփան Մարգարյանն անդրադարձել են ինքնախոստովանական ցուցմունքներ տված մանկավարժների թեմայով:

«Վարչական ռեսուրսի կիրառումը նոր երեւույթ չէ: ՀՀԿ-ն իր իշխանության տարիներին հետեւողականորեն կուսակցականացրել է պետական ամբողջ համակարգը, կրթական ոլորտը, սպորտը, մշակույթը: Չկա մի ոլորտ, որտեղ կուսակցականացված չլինի: Բոլորս գիտեինք՝ ինչ էր կատարվում կրթական հիմնարկներում, ինչու չէ, նաեւ բուժհիմնարկներում, պետական հաստատություններում: Պարզապես այս ամենն ի ցույց դրվեց ավելի փաստացի: Իրավապահ համակարգը պետք է գնահատական տա: Սրա քաղաքական գնահատականը հայտնի է, սա ակնհայտ խայտառակություն է եւ պետական ռեսուրսի չարաշահում: Իրավապահ համակարգը պետք է անշուշտ գնահատականներ տա, քանի որ ընտրողի կամքի վրա բռնանալու կամ քվեարկության գաղտնիությունը խախտելու, այս կամ այն ուժին քվեարկել հարկադրելու համար համապատասխան հոդվածներ կան»,- կարծում է Արման Գալոյանը:

Սակայն, ըստ նրա, չարժե հույսեր փայփայել, որ կգործի իրավապահ համակարգը, քանի որ այն եւս գտնվում է ՀՀԿ-ի լծի տակ: Ըստ նրա՝ լավագույն դեպքում նրանց կկանչեն շտաբներ ու ամոթանք կտան, որ այդպես միամտություն են ցուցաբերել եւ ամեն զանգահարողի հետ անկեղծացել են:

ՕՐՕ դաշինքից Ստեփան Վարդանյանը կարծում է, որ հետեւանքները կլինեն այնպես, ինչպես սովոր ենք տեսնել: «Գործ կբացվի, երկու ամիս հետո կփակվի, կգնա: Կարող է մի երկու հոգու վրա էլ մատ թափ տան, անցնի գնա»:

ԳԱԼԱ-ի այն հարցին, թե չարժե՞ գոնե այս հարցում համախմբվեն բոլոր ընդդիմադիր քաղաքական ուժերը՝ դիմելու ԿԸՀ, կամ չարժե՞ արդյոք հետ կանգնել ընտրություններից եւ ՀՀԿ-ին մենակ թողնել, Արման Գալոյանը պատասխանում է.

«Հետ քաշվել եւ թողնել մարտի դաշտը ՀՀԿ-ին՝ սխալ կլիներ, հակառակը, պետք է այս փաստերը դարձնել քննարկման առարկա: Միջազգային դիտորդներին պետք է ներկայացվեն, սրանով կասկածի տակ է դրվում ընտրությունների լեգիտիմությունը»:

Ըստ Ստեփան Վարդանյանի՝ ՕՐՕ դաշինքն արդեն իսկ դիմել է ԿԸՀ եւ պահանջում է չեղարկել ՀՀԿ գրանցումը. «Մեր դաշինքը, ԵԼՔ դաշինքը դիմել ենք արդեն ԿԸՀ: Թեկուզ չեմ հավատում, որ չեղյալ հայտարարվի, մանավանդ, որ լիքը արձանագրումներ կան խախտումների մասին, որ մնացել են անարձագանք: Կարեւորը հասարակական հնչեղությունն է ու հասարակության պարսավանքը»:

Քրիստինա Մկրտչյան


hakarak
17.08.2017 | 21:55 Անդորր՝ փոթորկից առաջ. «Պալատական հեղաշրջում լինելու է» «Հակառակ կողմը» հաղորդման շրջանակներում իրավապաշտպաններ Սեյրան Մարտիրոսյանը եւ ...
20289691_800016976834355_386185217_n
21.07.2017 | 19:16 Զինվե՞լ, պատրաստվե՞լ պատերազմի, թե՞ ոչ. բանավեճ «Արցախյան չլուծված հարցը ձեռնտու է ալիևյան և սարգսյանական ...
hakarak koxm
14.07.2017 | 20:54 Թիվ 1 քաղաքական օրակարգ՝ 2018թ.-ին Սերժ Սարգսյանին փոխանցել իշխանությունը. «Հակառակ կողմը» «Իրավիճակն ապաքաղաքական է, եւ իշխանությունը միտումնավոր փորձում է ...
18579343_765088166993903_241730437_n
19.05.2017 | 21:27 «Մեր խնդիրը լուծում ունի. եթե ընտրությունների միջոցով չի լուծվում, ուրեմն կա այլ ճանապարհ» «Ես իմ վերլուծությունն ունեմ, թե ինչու եղավ այնպես, ...
18518442_763749937127726_1194359386_n
15.05.2017 | 20:00 ՀՀ որոշ քաղաքացիներ հաճույքով են սպասարկում իշխանությանը, ինչպես Հին Հռոմում գանգրահեր տղաները ԳԱԼԱ-ի տաղավարում՝ «Հակառակ կողմը» հաղորդման շրջանակներում,  պատմաբան Վահրամ ...
Снимок
27.04.2017 | 19:07 Ո՞րն է փոփոխությունների տանող ճանապարհը Հայաստանում. «Հակառակ կողմը» «Հայաստանում առնվազն երեք հարցի շուրջ կա հանրային կոնսենսուս. ...
17690575_782122868623424_1540515063_n
30.03.2017 | 23:16 «Մենք մեր երկիրը տանուլ ենք տալիս». «Հակառակ կողմը» «Հակառակ կողմի» տաղավարում ՀՀԿ պատգամավորի թեկնածու Սուքիաս Ավետիսյանը ...
image
27.03.2017 | 22:13 «Եթե որևէ գաղափար վաճառվում է 5-10 հազար դրամով, գուցե այդ գաղափարն էդքան էլ արժեր». ՀՀԿ-«Ելք» բանավեճ «Վերջին 17 տարիների ընթացքում ՀՀԿ-ն երկրում սերմանել է ...
hakarak
27.03.2017 | 20:41 Ովքե՞ր են «խաբեբաները», ովքե՞ր են «Պավլիկ Մորոզովները». «Հակառակ կողմը»՝ «Ելք»-ՀՎԿ «Հակառակ կողմը» հաղորդման հերթական թողարկման ժամանակ ԳԱԼԱ-ի եթերում ...
Снимок
22.03.2017 | 20:28 «Ամբողջ Գյումրին ցուցակագրել են ընտրակաշառքի համար». «Հակառակ կողմը». ՕՐՕ – ՀՅԴ Ապրիլի 2-ին կայանալիք համապետական ընտրությունների քարոզարշավը մոտենում է ...