ԳԱԼԱ-ի տեսախցիկը՝ Մոսկվայում: Հանդիպում Մոսկվայի հայաշատ համայնքի ներկայացուցիչների, քաղաքական գործիչների հետ... Ուշագրավ կադրեր եւ հետաքրքիր հանդիպումներ՝ առաջարկվող տեսանյութերում:

Ռուսաստանում հանրային կարծիքի վրա կազդեն մեր հաջողությունները

1374496385,7007

Վերջին շրջանում ռուսական շովինիզմի եւ ծայրահեղականության բազմաթիվ դրսեւորումների ականատես եղանք: Այն առավել ցայտուն դրսեւորվեց հայազգի վարորդ Հրաչյա Հարությունյանի մասնակցությամբ տեղի ունեցած ավտովթարից հետո: Ռուսաստանում հանրային կարծիքի վրա ազդում են նաեւ տեղի որոշ լրատվամիջոցների սպասարկու-լրագրողներ: Եվ նման իրավիճակներում հայերի լավագույն հակահարվածը կարող է լինել ռազմարվեստում, տնտեսությունում, մշակույթում, սպորտում եւ այլ ոլորտներում  ունեցած հաջողություններով` ազդեցությունը հանրային կարծիքի ձեւավորման վրա: Իսկ հայերն, այդ առումով, միշտ աչքի են ընկել լավագույն ավանդույթներով:

Քիկբոքսինգի Ռուսաստանի եւ աշխարհի կրկնակի չեմպիոն, պրոֆեսիոնալ բռնքամարտի Ֆրանսիայի գավաթի մրցանակակիր Սուրեն Ղալաչյանին Գյումրիում եւ Հայաստանում ճանաչում են գրեթե բոլորը: Նա այսօր բնակվում է Մոսկվայում եւ զբաղվում է մարզչական գործունեությամբ, ղեկավարում է ՍԱՌ մարզակումբը, որտեղ հյուրընկալվել են ԳԱԼԱ-ի լրագրողները: Մարզակումբը լավագույններից է. նրա  սաները գերազանց արդյունքներով են աչքի ընկնում. Կան աշխարհի եւ Եվրոպայի չեմպիոններ ու մրցանակակիրներ:

Ընդհանրապես Ռուսաստանում հարյուրավոր ծագումով հայ մարզիկներ կան, որոնք զբաղվում են այս մարզաձեւով եւ լուրջ հաջողություններ են արձանագրել: Նրանք պարբերաբար մասնակցում են միջազգային մրցաշարերի: Սուրեն Ղալաչյանի ղեկավարած մարզակումբը միայն հայերի համար չէ. Այստեղ մարզվելու ցանկություն են հայտնում տարբեր ազգերի ներկայացուցիչներ:  

Աշխարհի կրկնակի չեմպիոն Սուրեն Ղալաչյանը գյումրեցի է, լավագույն չեմպիոնական տարիներն անցկացրել է հարազատ քաղաքում: Նրա անձնական մարզիչ Վլադիմիր Պետուխովը, ով նախկինում եղել է քիկբոքսինգի ԽՍՀՄ ֆեդերացիայի փոխնախագահը, այժմ օգնում է Սուրենին: Ավագ սերնդի ջանքերով էլ այսօր մարզաձեւի գաղտնիքներին են տիրապետում պատանի մարզիկները:

Մոսկվայում փայլուն ելույթներով աչքի են ընկնում նաեւ տեղաբնակ եւ հայաստանցի մեր հայրենակից երաժիշտները: «Մոսկվայի վիրտուոզներ» նվագախմբի գեղարվեստական ղեկավար, ժողովրդական արտիստ Վլադիմիր Սպիվակովի 10-րդ միջազգային փառատոնին եւս  հայաստանցի պատանիները գերազանց ելույթներ ունեցան: Փառատոնին Հայաստանը ներկայացրել են 5  գյումրեցի եւ 1 երեւանցի պատանի երաժիշտ` Գյումրու կոնսերվատորիայի դասախոս, դոցենտ Մարիամ Մարգարյանի գլխավորությամբ:

Հարյուրավոր հայազգի երեխաներ Վլադիմիր Սպիվակովի հիմնադրամի շնորհիվ  լուրջ մասնագետներ են դարձել, համերգներով հանդես եկել աշխարհի տարբեր երկրներում: Տեսնելով մեր պատանիների ձգտումն ու պատասխանատվության զգացումը, կարելի է չկասկածել նոր սերնդի հաջողություններին, ովքեր փոխարինելու են հայազգի նշանավոր երգահաններին ու երաժիշտ-կատարողներին:

Այս քաղաքում բնակվում եւ ստեղծագործում են բազմաթիվ հայեր, որոնք հայտնի մասնագետներ են սպորտի, երգարվեստի, շոու բիզնեսի եւ տարբեր այլ ասպարեզներում. Նրանք մեծ հեղինակություն են ձեռք բերել, մեծ բեմեր նվաճել` Ռուսաստանում դրական ու գունեղ նրբերանգներով ներկայացրելով հայ եւ Հայաստան անունը: Իսկ նրանց փոխարինողներ անշուշտ կգտնվեն`մեր գենոֆոնդն այդ հնարավորությունը տալիս է:

 




Պատասխանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով

Դուք կարող եք օգտագործել հետևյալ HTML թեգերը և ատրիբուտները. <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

1374496891,6255
22.07.2013 | 16:39 Սիրահարների կամուրջն ու Հաշտեցման նստարանը Լուժկովի կամ Սիրահարների կամուրջը գտնվում է Մոսկվայի Բոլոտնայա ...
1374496756,7443
22.07.2013 | 16:37 Մոսկվայի հայկական թատրոնը գործում է նկուղում Մոսկվայի հայկական թատրոնի պաշտոնական բացումը 1922թ.-ին էր՝ Եվգենի ...
1374496623,2928
22.07.2013 | 16:34 Չակ Նորիսը` հայկական խոհանոցի երկրպագու Մոսկվայի «Երեւան» ռեստորանը գտնվում է Շաբոլովկա փողոցում: Աշխատակիցները ...
1374496480,6364
22.07.2013 | 16:33 Մոսկվայի «Հայորդյաց տանն» ուսանում են նաեւ ռուսները Մոսկվայի «Հայորդյաց տուն» հայեցի դաստիարակության կենտրոնը  նախկինում մանկապարտեզի ...
1373298269,3512
08.07.2013 | 19:41 Երբ թշնամուդ զինում է դաշնակիցդ Ռուսաստանն Ադրբեջանին մոտ 1 միլիարդ դոլարի զենք է ...
1372968675,8449
05.07.2013 | 00:09 Ռուսաստանում բիզնեսի համար 2013-ը ամենածանր տարին է Կրեմլից 150 մետր հեռավորության վրա գտնվող Գոստինի Դվոր ...
1372188485,2012
25.06.2013 | 23:26 Հայրենադարձության ծրագիր՝ դեպի Հայաստան Վերջին 15 տարվա ընթացքում միայն 2007-2008թթ-ին է եղել, ...
1371457449,3482
17.06.2013 | 12:22 Գազի թանկացման եւ Լավրովի հայտարարության իրական վտանգները Պաշտոնական Մոսկվան վերջին տարիներին ակտիվորեն ներգրավվել է Կովկասյան ...
1371457314,1189
17.06.2013 | 12:20 Նորվեգիան ողջունում է ՀՀ եվրաինտեգրման ջանքերը. Կնուտ Հոուգ Նորվեգիան տարբեր ժամանակներում գտնվել է նախ` Դանիայի, ապա՝ ...
1371457186,1488
17.06.2013 | 12:12 Այսօր դժվարին ժամանակներ են աշխարհի բոլոր ԶԼՄ-ների համար Ռուսական հեղինակավոր «Էխո Մոսկվի» ռադիոկայանը  շուրջօրյա հեռարձակում ունի։ ...