ԳԱԼԱ-ի տեսախցիկը՝ Մոսկվայում: Հանդիպում Մոսկվայի հայաշատ համայնքի ներկայացուցիչների, քաղաքական գործիչների հետ... Ուշագրավ կադրեր եւ հետաքրքիր հանդիպումներ՝ առաջարկվող տեսանյութերում:

Երբ թշնամուդ զինում է դաշնակիցդ

1373298269,3512

Ռուսաստանն Ադրբեջանին մոտ 1 միլիարդ դոլարի զենք է մատակարարել՝ ցամաքային տեխնիկայի տեսքով:  Փորձագետներն առավել վտանգավոր զինատեսակ են համարում  հրետանային համազարկի ռեակտիվ հրթիռային Սմերչ զինատեսակը, որն իր անվանը բնորոշ զանգվածային ոչնչացման զենք է: Միամտություն կլինի փաստը դիտարկել միայն տնտեսական կամ բիզնես շահերի տեսանկյունից: Սա քաղաքական որոշում է`անցյալի պատմական դրվագների նմանությամբ:

Անկախ բանակի մարտունակության եւ պայքարի գաղափարական հենքի մասին մեր ունեցած համոզմունքից, Հայաստանի եւ Ադրբեջանի ռեսուրսները խիստ անհավասար են: Ադրբեջանի տնտեսական ներուժի աճն ուղիղ համեմատական է զինուժի հզորացմանը: Այդ գործում անմասն չմնացին Թուրքիան, Իսրայելը, նաեւ Ռուսաստանը` զենքի վաճառքը հաջորդեց գազի գնաճին, ապտակ ապտակի հետեւից, իսկ մենք` որպես առաջամարտիկ քրիստոնյա, խոնարհաբար դեմ ենք տալիս մյուս այտը: Իսկ ռուսաստանցի քաղաքագետները դեռեւս հավատում են ռազմավարական դաշինքի անխախտությանն ու անվտանգության երաշխիքների մասին օրակարգային հայտարարություններին:

Խաղաղության եւ ուժերի հավասարակշռության Ռուսաստանի ջանքերի մասով շատ կասկածներ կարելի է հայտնել: Հատկապես վերջին շրջանի գործողությունները հաշվի առնելով` նախ արտգործնախարար Լավրովի հայտարարությունը ստատուս քվոյի վերաբերյալ, ապա նաեւ  գազի գնաճը, մեր բաժնեմասերի վերջին 20 տոկոսը ճանկելու բանակցությունները եւ, վերջապես, զենքի վաճառքը:  Չմոռանանք նաեւ միգրանտների անվերջ շահարկվող խնդրի մասին, թեեւ հարկ եղած դեպքում այդ գործոնն օգտագործվում  է նաեւ մեր ոչ բարեկամ հարեւանների դեմ:

Հայ-ռուսական իրական գործընկերության, ղարաբաղյան հակամարտության մասին օբյեկտիվ պատկերացումների ձեւավորման եւ Արցախի ճանաչման գործում շատ կարեւոր դեր ունի հայկական սփյուռքը, որի ապահովված առանձին ներկայացուցիչներ ժամանակ առ ժամանակ հայտնվում են Ֆորբս-ի էջերում: Սակայն, ցավոք, Ռուսաստանի հայերը գործում են մեկուսացված, համայնքային համերաշխության եւ համախմբվածության սկզբունքը դեռեւս խորթ է նրանց` ի տարբերություն եվրոպական կամ ասիական սփյուռքի:

Հայկական լոբբիի մասին դրսում առասպելներ են հյուսվում, սակայն ադրբեջանցիները գործով են ապացուցում, որ համընդհանուր կարծիքի ձեւավորման վրա լուրջ աշխատանքներ են տանում: Ի դեպ, միջազգային հանրության աչքին թոզ փչելու գործընթացի ժամանակ կիրառվում են տարբեր լծակներ` հիմնականում ֆինանսական եւ տեղեկատվական: Օրինակ`Ռոսսիյսկայա Գազետան միակ պետական թերթն է, որը ադրբեջանական  հավելված ունի. Դա առաջին հերթին հայկական կողմի բացթողումն է, անփութության հետեւանք, քանի որ ավելի շուտ առաջարկ է եղել հայերին, ովքեր հրաժարվել են:

Ինչպես սիրում են կրկնել ռուսները,  պետք չէ պատերազմից վախենալ, եթե կռվում է ուրիշը: Իսկ այդ ուրիշը կարող ենք լինել նաեւ մենք: Եվ այս պայմաններում, Հայաստանի եւ Արցախի վերազինման խնդիրը պետք է դառնա օրակարգային` պետական եւ հասարակական մակարդակով: Իսկ Ռուսաստանում հասարակական կարծիքի նժարն առայժմ թեքված է մեր օգտին` անկախ այդ երկրում Ադրբեջանի ֆինանսական եւ տեղեկատվական էքսպանսիայի, որն ուղղված է Արցախի ինքնորոշման իրավունքի հարցի շրջանառությունը կասեցնելուն եւ հայանպաստ բոլոր դրսեւորումները  չեզոքացնելուն:

Արցախը պարզ է, որ ինքնորոշվել է, իսկ թե երբ կկողմնորոշվի Հայաստանը, արդեն հարց է: Ռուսաստանի ազդեցությունը Հայաստանի վրա հսկայական է` ռազմական բազաների, քաղաքական, տնտեսական ներկայության տեսանկյունից:  Էներգետիկ ռեսուրսները, որի մեկ կիլովատի կամ մեկ բարելի համար անգամ այսօր պայքարում են աշխարհի հզորները` ռուսական սեփականություն է: Լծակները շատ են, որոնք այդ երկրին ազատ եւ անկաշկանդ գործելու  հնարավորություն են տալիս:

Չի բացառվում, որ Ադրբեջանը վաղ թե ուշ կփորձի Հայաստանի հետ տարածքային վեճը լուծել ուժի միջոցով: Այս դեպքում ինչ դիրքորոշում է որդեգրելու իր բարեկամին  ոխերիմ  թշնամի դիտարկող պետությանը զենք մատակարարող Ռուսաստանը: Տեղի փորձագետները պնդում են, որ պաշտոնական Մոսկվան հանդես է եկել ու շարունակում է հանդես գալ խնդիրը խաղաղ ճանապարհով կարգավորելու օգտին,սակայն  չի կարող ամբողջովին ու անվերապահորեն  պաշտպանել հակամարտության կողմերից մեկին, թեեւ որոշակի պարտավորություններ ունի Հայաստանի նկատմամբ: 

Հայերը ծեծված, միեւնույն ժամանակ խելոք խոսքեր շատ ունեն: Վերջին շրջանում ավելացել է մեկը` ռուսներն առաջվանը չեն, թեեւ դա ավելի շատ վերաբերում է նրանց կենցաղավարությանը:  Իսկ հայի հետին խելքի մասին մեր թշնամիների թեւավոր դարձած խոսքերը դեռեւս շրջանառության մեջ են եւ պատմության քառուղիներում կարծես մշտապես դավադրաբար հետեւում են մեզ:

 




Պատասխանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով

Դուք կարող եք օգտագործել հետևյալ HTML թեգերը և ատրիբուտները. <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

1374496891,6255
22.07.2013 | 16:39 Սիրահարների կամուրջն ու Հաշտեցման նստարանը Լուժկովի կամ Սիրահարների կամուրջը գտնվում է Մոսկվայի Բոլոտնայա ...
1374496756,7443
22.07.2013 | 16:37 Մոսկվայի հայկական թատրոնը գործում է նկուղում Մոսկվայի հայկական թատրոնի պաշտոնական բացումը 1922թ.-ին էր՝ Եվգենի ...
1374496623,2928
22.07.2013 | 16:34 Չակ Նորիսը` հայկական խոհանոցի երկրպագու Մոսկվայի «Երեւան» ռեստորանը գտնվում է Շաբոլովկա փողոցում: Աշխատակիցները ...
1374496480,6364
22.07.2013 | 16:33 Մոսկվայի «Հայորդյաց տանն» ուսանում են նաեւ ռուսները Մոսկվայի «Հայորդյաց տուն» հայեցի դաստիարակության կենտրոնը  նախկինում մանկապարտեզի ...
1374496385,7007
22.07.2013 | 16:31 Ռուսաստանում հանրային կարծիքի վրա կազդեն մեր հաջողությունները Վերջին շրջանում ռուսական շովինիզմի եւ ծայրահեղականության բազմաթիվ դրսեւորումների ...
1372968675,8449
05.07.2013 | 00:09 Ռուսաստանում բիզնեսի համար 2013-ը ամենածանր տարին է Կրեմլից 150 մետր հեռավորության վրա գտնվող Գոստինի Դվոր ...
1372188485,2012
25.06.2013 | 23:26 Հայրենադարձության ծրագիր՝ դեպի Հայաստան Վերջին 15 տարվա ընթացքում միայն 2007-2008թթ-ին է եղել, ...
1371457449,3482
17.06.2013 | 12:22 Գազի թանկացման եւ Լավրովի հայտարարության իրական վտանգները Պաշտոնական Մոսկվան վերջին տարիներին ակտիվորեն ներգրավվել է Կովկասյան ...
1371457314,1189
17.06.2013 | 12:20 Նորվեգիան ողջունում է ՀՀ եվրաինտեգրման ջանքերը. Կնուտ Հոուգ Նորվեգիան տարբեր ժամանակներում գտնվել է նախ` Դանիայի, ապա՝ ...
1371457186,1488
17.06.2013 | 12:12 Այսօր դժվարին ժամանակներ են աշխարհի բոլոր ԶԼՄ-ների համար Ռուսական հեղինակավոր «Էխո Մոսկվի» ռադիոկայանը  շուրջօրյա հեռարձակում ունի։ ...