Սահմանից այս կողմ… Ցանկություններ շատ ունեն, բայց համեստորեն միայն մեկն են բարձրաձայնում՝ խաղաղություն են ուզում

sahman

Իրավիճակը սահմանում հատկապես հուլիս- օգոտոս ամիսններին լարված էր: Հակառակորդի կողմից հրադադարի պահպանման ռեժիմը խախտվում էր ամեն օր, արդյունքում խախտվում էր հայ սահմանապահի, աշխատող գյուղացու անդորրը: Հողի հետ կռիվ տալու եւ սեփական քրտինքով հաց վաստակելու փոխարեն այգեպարցին, չինարեցին, ներքին կարմիրաղբյուրցին, մովսեսցին, տարեց թե երիտասարդ, կին թե տղամարդ, մտածում էին միայն պաշտպանվելու մասին:

Նենգ թշնամին գյուղատնտեսական աշխատանքների եռուն շրջանում թույլ չտվեց գյուղացուն հաց տնտեսել: Կրակոցները տեւական ժամանակ չէին դադարում:Օգոստոսյան լարված իրավիճակը համախմբեց քաղաքական դաշտը: Ընդդիմադիր եւ իշխանական թեւը ներկայացնող քաղաքական ուժերի ներկայացուցիչները մի քանի անգամ այցելեցին սահմանամերձ շրջաններ, տեղում ծանոթացան գյուղաբնակների խնդիրներին:
Խնդիրների ուսումնասիրում, բարձրացված հարցերի քննարկում: Հարկային ու սոցիալական որոշակի արտոնություններ եղան: Հայ մշակն արդար պահանջ էր ուղղել գործադիր իշխանությանը:

Քննարկումները սահմանից տեղափոխվեցին մայրաքաղաք: Օրեր շարունակ Հայաստանի Ազգային ժողովում քննարկվեց «Սահմանամերձ համայնքների սոցիալական աջակցության մասին» օրենքի նախագիծը, որով նախ հստակեցվեց սահմանամերձի կարգավիճակ ունեցող համայնքներին ցանկը, ապա տրամադրվող աջակցության ձեւը: Մեր երկրի հյուսիս-արեւելյան սահման տանող ճանապարհն անգամ վտանգներից զերծ չէ: Կան հատվածներ, որոնք գտնվում են ադրբեջանական հենակետերի դիմաց՝ նշանառության տակ: 2013-ի հոկտեմբերին Իջևան-Բերդ ավտոճանապարհի այս հատվածում հակառակորդը կրակ էր բացել քաղաքացիական ու զինվորական մեքենաների վրա, որի հետևանքով զոհվել էր ժամկետային մեկ զինծառայող, ևս երեքը՝վիրավորվել: Միայն այդ հատվածում անցյալ տարի 3 զինվորական է զոհվել, 11 վիրավոր ենք ունեցել:

Հաշվի առնելով վտանգավորության աստիճանը՝ որոշվեց կառուցել շրջանցիկ Այգեհովիտ-Վազաշեն-Պառավաքար ճանապարհահատվածը: Կառուցվող ճանապարհն ավելի հեռու է հակառակորդի դիտակետերից, իսկ առավել վտանգավոր հատվածը մի քանի մետր բարձրությամբ պաշտպանիչ հենապատ կունենա: Գաբիոնե պատի կառուցման աշխատանքները մեր այցելության ժամանակ ընթացքի մեջ էին: Այս հատվածը երթևեկելի է տրանսպորտային միջոցների համար, սակայն այն դեռ ամբողջովին պատրաստ չէ։ Մինչ կառուցումը շրջակա համայնքների բնակիչները եւ հյուրերը պետք է օգտվեն այլընտրանքային ճանապարհներից:

ԳԱԼԱ-ի նկարահանող խումբը նույնպես, դժվարությամբ, բայց մեր վարորդի հմտության շնորհիվ, անցավ շրջանցիկ ուղիով: Այս ճանապահը ռազմավարական կարեւոր նշանակություն ունի, շրջանցում է ադրբեջանական դիրքերից կրակի տակ պահվող հատվածները։ Աշխատանքներն այստեղ ավարտվելու էին դեռևս հունիսին, սակայն 3.2 կիլոմետր երկարությամբ այդ ճանապարհի շինարարությունը, որի համար բյուջեից հատկացվել է շուրջ 900 միլիոն դրամ, կավարտվի հաջորդ տարի:
Իսկ հիմա արդեն գյուղի եւ գյուղացու առօրյայի, իշխանությունների վերաբերմունքի մասին: Չնայած առկա բազմաթիվ դժվարություններին՝ հերոս մարդիկ դժգոհություններ քիչ են հայտնում: Պատերազմի բոհով անցած սահմանապահները քչով էլ են բավարարվում: Ցանկություններ շատ ունեն, բայց համեստորեն միայն մեկն են բարձրաձայնում՝ խաղաղություն են ուզում:

Մարդիկ հույս ունեն, որ ներդրողներ կհայտնվեն եւ իրավիճակն այս առումով կփոխվի, կստեղծեն աշխատատեղեր, որոնք կլուծեն նաեւ բնակչության զբաղվածության խնդիրը: Ինչ վերաբերում է սոցիալական աջակցությանը, համաձայն որի համայնքի բնակիչների լույսի, գազի եւ ջրի վարձերը մասամբ կփոխհատուցվեն պետական բյուջեից, ըստ համայնքապետերի՝ դրական եւ ողջունելի որոշում է:




Снимок
19.11.2016 | 10:15 Հնարավոր չէ խաղաղության հասնել մեկ մարդու ջանքերով, յուրաքանչյուր ոք պետք է գիտակցի և կրի այդ պատասխանատվությունը Երևանում էին «Երկնային Մշակույթ, Համաշխարհային Խաղաղություն, Լույսի Վերականգնում» ...
1st Annual Commemoration of September 18thWorld Alliance of Religions' Peace Summit(2015) (1) (1)
08.09.2016 | 14:29 HWPL проведет в сентябре «2-ю годовщину Саммита мира WARP» в Сеуле, Южная Корея С 17 по 19 сентября международная миротворческая организация ...
image
25.05.2016 | 20:42 Հայաստանը խաղաղության գաղափարի կողմնակից է. Խաղաղության քայլերթ Երևանում Պատերազմի պատճառները և խաղաղության անհրաժեշտությունն աշխարհում. հենց այս ...
International Peace Youth Group Walk Festival in Seoul, Korea (1)
24.05.2016 | 09:41 Երեւանում կանցկացվի խաղաղությանը նվիրված քայլերթ-միջոցառում «Խաղաղության միջազգային երիտասարդական խումբը» եւ IWPG կազմակերպությունը ՀՀ ...
Снимок
31.12.2014 | 21:21 Սահմանի եզրին բնակվող երեխաները Ձմեռ պապից տանկ ու ատրճանակ են խնդրում 2015 թվականը դիմավորում են նաեւ Հայաստանի հանրապետության հյուսիս-արեւելյան ...
sahman
31.12.2014 | 14:15 Չնայած բարձրաստիճան հյուրերի ներկայությանը, զինվորները ոչ մի վայրկյան զգոնությունը չէին թուլացնում Տավուշի մարզի Այգեհովիտ համայնքում օրը տոնական էր: Ջերմ ...
новый коллаж
27.12.2014 | 20:35 Ռոմիկ պապն իր կյանքի 1/3-րդն ապրել է կրակոցների ներքո Տավուշի մարզի սահմանամերձ գյուղերում երեկ կրկին կրակոցներ են ...
sahman
27.12.2014 | 10:11 «Կարող եք հանգիստ քնել, քանի որ մենք արթուն ենք» Մեր բանակն է մեր երկրի անվտանգության, մեր բոլորի ...
sahman
26.12.2014 | 20:49 Բերդն ամուր թիկունք է սահմանամերձ գյուղերի համար Տավուշի մարզի Բերդ քաղաքը նախկին Շամշադինի վարչական շրջանի կենտրոնն է: ...