Հասարակական- քաղաքական իրադարձությունները լուսաբանող հաղորդաշար, որի շրջանականերում անդրադարձ է կատարվում վերջին շաբաթվա կարեւորագույն իրադարձությանը: Տաղավար են հրավիրվում քաղաքական, հասարակական գործիչներ, ովքեր խոսում են կարեւորագույն իրադարձությունների մասին, վերլուծում եւ իրենց կարծիքն են արտահայտում թեմայի վերաբերյալ:

Ուսումնասիրություններ կկատարվեն ապրիլյան պատերազմի բուն պատճառները եւ բանակում առկա կոռուպցիոն սխեմաները բացահայտելու համար

armen grigoryan

«Բազմաթիվ խնդիրներ կան՝ և՛ ներքին, և՛ արտաքին, որոնք անհրաժեշտ է լուծել, որպեսզի ՀՀ անվտանգությունը բարձր մակարդակի վրա լինի»,- ԳԱԼԱ-ի «Կարևորի մասին» հաղորդման շրջանակներում հայտնել է ՀՀ Անվտանգության խորհրդի քարտուղար Արմեն Գրիգորյանը:

Ըստ նրա՝ Հայաստանի համար անվտանգության թիվ մեկ խնդիրը շարունակում է մնալ Ադրբեջանի ռազմատենչ քաղաքականությունը, որը մարտահրավեր է նետում Հայաստանի տարբեր ոլորտներին: «Կան նաև անվտանգության այլ մարտահրավերներ, օրինակ, լուրջ մարտահրավեր է ՀՀ համար կոռուպցիան, կոռուպցիայի բարձր մակարդակը նույնիսկ Ադրբեջանից եկող վտանգը մի քանի անգամ բազմապատկում է, եթե մենք չենք կարողանում հաղթահարել կոռուպցիան»,- գտնում է Արմեն Գրիգորյանը:  

Մեր զրուցակցի պնդմամբ՝ ապրիլյան պատերազմը ցույց տվեց, որ կոռուպցիան լուրջ մարտահրավեր է մեր պաշտպանական համակարգի համար: Անդրադառնալով մեր այն հարցին, թե ուսումնասիրություններ իրականացվելո՞ւ են՝ պարզելու համար, թե ինչ պատճառով եղան լուրջ թերացումներ ապրիլյան պատերազմի օրերին, քանի որ նույն զոհվածների հարազատների մոտ բազմաթիվ կասկածելի հարցեր կան, որոնք այս երկու տարիների ընթացքում անպատասխան են մնացել, Արմեն Գրիգորյանը նշեց.

«Որպեսզի մենք այլևս չկանգնենք պատերազմի մարտահրավերի առաջ,  մենք պետք է շատ խորը ուսումնասիրենք ապրիլյան պատերազմի և պատճառները, և խնդիրները, և այն ամենը, ինչ մենք չենք կարողացել կանխել: Համակարգային լուրջ խնդիրներ են եղել, ազդակները կառավարման համակարգի արդյունավետ չեն աշխատել, բնականաբար այդ ամենը պետք է լուրջ ուսումնասիրել, բացահայտել՝ որտեղ են եղել խնդիրները, և լուծել այն ներքին խնդիրները, որոնք թույլ չեն տվել, որպեսզի կանխատեսվի պատերազմը: Նաև կարող է լինել դիտավորություն, իհարկե  կարծիքներ կան տարբեր տեսակի, բայց եկեք թողնենք հետագայում, հասկանանք՝ իսկապես դիտավորություն եղել է, թե ոչ, ու բացահայտենք նաև այն կոռուպցիոն խնդիրները, որոնք գոյություն են ունեցել, լուծում տանք այդ կոռուպցիոն սխեմաներին, բնականաբար մենք չենք կարող կոռուպցիոն սխեմաներ ունենալ եւ ունենալ ուժեղ բանակ, ուժեղ բանակը պետք է ամբողջովին զերծ լինի կոռուպցիայից, որպեսզի մենք կարողանանք ուժեղ Հայաստան կառուցել»,- ասաց Գրիգորյանը:

Դիտվել է՝

shahen harutyunyan
17.08.2018 | 22:12 Նիկոլ Փաշինյանը դարձավ վարչապետ, սակայն Շանթ Հարությունյանը օր առաջ ազատ չարձակվեց.Շահեն Հարությունյան «Կարեւորի մասին»» հաղորդման հյուրն է «Ցեղակրոն» կուսակցության նախագահ ...
janna
16.08.2018 | 20:32 «Մտահոգություն ունեմ, որ Քոչարյանի կալանքից ազատումը կարող էր ռուսական ազդեցություն լինել». «Կարևորի մասին» «Անձեռնմխելիությունը չի կարող կյանքի իրավունքից թանկ լինել». այս ...
karen tumanyan
13.08.2018 | 22:34 ՄԻԵԴ վճռից հետո ԳԱԼԱ-ի գործը կքննվի ՀՀ վարչական դատարանում.Կարեն Թումանյանը` գործի մանրամասների մասին Կարեւորի մասին հաղորդման շրջանակներում ՀՀ փաստաբանների պալատի անդամ, ...
armamm
10.08.2018 | 21:38 «Ժողովրդի արյուն թափողները չեն խուսափելու պատասխանատվությունից». հարցազրույց Արման Մուսինյանի հետ «Կարևորի մասին» հաղորդման շրջանակներում ՀՀ առաջին նախագահի խոսնակ ...
levonnnnnn
07.08.2018 | 21:00 «25 տարի, ինչ ուզել արել են երկրի գլուխը, մեկ էլ ասում են, ընկե՛ր արի հարցաքննության, խոսելու բան կա». Կարեւորի մասին Գյումրու Ժուռնալիստների «Ասպարեզ» ակումբի խորհրդի նախագահ Լեւոն Բարսեղյանի ...
andrias xukasyan
02.08.2018 | 11:47 «Մարդիկ անպատրաստ էին, որ Ռոբերտ Քոչարյանը կարող է հայտնվել բանտում» «Կարևորի մասին» հաղորդման շրջանակներում «Հայ կառուցողական կուսակցության» նախագահ ...