Հասարակական- քաղաքական իրադարձությունները լուսաբանող հաղորդաշար, որի շրջանականերում անդրադարձ է կատարվում վերջին շաբաթվա կարեւորագույն իրադարձությանը: Տաղավար են հրավիրվում քաղաքական, հասարակական գործիչներ, ովքեր խոսում են կարեւորագույն իրադարձությունների մասին, վերլուծում եւ իրենց կարծիքն են արտահայտում թեմայի վերաբերյալ:

«Վաղը կասեն՝ էդ եք էլի, ժողովուրդ, մի հազար դրամն ի՞նչ է, այ դրա համար էլ զինվորներն այս վիճակում են»

Մանվել Սարգսյան

Ռազմավարական և ազգային հետազոտությունների հայկական կենտրոնի (ՌԱՀՀԿ) տնօրեն Մանվել Սարգսյանը, ԳԱԼԱ-ի հետ զրույցում անդրադառնալով, այսպես կոչված, 1000 դրամների նախագծին, որը խորհրդարանն ընդունեց ձայների մեծամասնությամբ, կարծիք հայտնեց, թե վտանգն այն է, որ կարևորագույն հարցում պետությունը ցանկանում է պատասխանատվությունը գցել իր վրայից հասարակության վրա: Նախագծի ծնունդը պայմանավորում է նաև երկրում տիրող անելանելի վիճակով:

«Ամենաէականն այն է, որ այս նախագծով գործող վարչախումբը փորձում է զինվորների սոցիալական խնդիրը հումանիտար խնդիր սարքել: Այսինքն՝ գնա այն ճանապարհով, որ պետությունն իրենից գցի այդ գործառույթը, պարտավորությունը: Էականը դա՛ է, որովհետև բազմաթիվ երկրներում, հատկապես այնտեղ, որտեղ բանակը գործում է, դա պետության գործառույթն է, ճիշտ այնպես, ինչպես կրթությունը դպրոցներում: Պետության գործառույթն է, ժողովուրդը դրա համար է բյուջե հավաքում: Սրա մասին ավելի քիչ է խոսվում: Սա շատ վտանգավոր է, չի կարելի թույլ տալ երբևէ»,- նշում է Մանվել Սարգսյանը:

Հասարակությունը տեսնում է ոչ թե ռեալ փոփոխություններ, նոր նախաձեռնություններ, այլ ավելի շուտ ականատես է լինում «աֆյորաների»:

«Հիմա, ասենք, լավ չի հավաքվում գումարը, ամիսներ շարունակ, կասեն՝ դե էդ եք էլի, ժողովուրդ, դուք չե՞ք, այ դրա համար էլ զինվորները այս վիճակում են: Չեք հավաքում, դրա համար էլ վիճակն այսպիսին է: Պատասխանատվությունն այսպիսով գնաց արդեն: Կլինի, աստված չտա, նոր գործողություններ և անհաջողություններ, անպայման բոլորը դուրս կգան կասեն՝ էդ եք, մի հազար դրամն ի՞նչ է: Անընդհատ դրոշ են սարքելու»:

Ապրիլյան պատերազմն, ըստ քաղաքագետի, ցույց տվեց, որ գործող ռեժիմը, չինովնիկները որևէ պատասխանատվություն չկրեցին տեղի ունեցածի համար՝ տարածքային կորուստ, մարդկային զոհեր:

Անդրադառնալով ԼՂՀ ԱԺ նախկին պատգամավոր Վահան Բադասյանի հայտարարություններին և նախաքննական մարմինների՝ քրեական գործ չհարուցելու դանդաղկոտությանը, նշեց, թե որևէ բարձրաստիճան պաշտոնյայի պատժելը վտանգավոր նախադեպ կարող է լինել իշխանության համար, որը նրանք թույլ տալ չեն կարող:

«Երբևէ հնարավոր չէ, որ այդ մարդիկ մեկի պոչը տրորեն: Այդ նախադեպերը շատ ավելի վտանգավոր են գործող համակարգերի համար: Նախադեպ չի կարելի թույլ տալ: Հիմա ոնց կարող է դատախազը մեկին մեղադրի, եթե ինքը նույն կոռուպցիոն կարգավիճակում է»:

Հարցադրմանը, թե նոր կառավարության կողմից ձեռնարկվող քայլերը, վարչապետ Կարեն Կարապետյանի գործողությունները արդյո՞ք շղարշ չեն՝ խորհրդարանական ընտրություններին ընդառաջ, Մանվել Սարգսյանը հիշեցրեց վարչապետի խոսքերը, որ մեկ խնդիր կա, որը պետք է լուծել, և դա ստվերի դեմ պայքարն է:

«Մարդիկ փայլուն գիտեն, որ ստվերը Հանրապետական կուսակցությունն է, դա անօրինական բիզնեսի և անօրինական սեփականության քաղաքական ակումբն է, բոլորը դա փայլուն գիտեն: Այսինքն, պայքարել ստվերի դեմ նշանակում է ազատել պետությունն այդ կուսակցությունից, կամ լուծարել, արգելել, դատել: Այս հարցն այնքան պարզ է, որ Կարեն Կարապետյանը փախչելու տեղ չունի: Կամ… կամ է: Կամ դու դա անում ես, կամ դու ցույց ես տալիս, որ հերթական խաբված մարդն ես, կամ աֆյորաների նոր ձևերը շարունակող մարդն ես»,- նշեց Մանվել Սարգսյանը:


argishti kiviryan
25.05.2017 | 20:37 Ընտրություններով փոփոխությունների բացառումը մեծացնում է ինքնաձիգի օգտագործման հավանականությունը Վերլուծաբան Արգիշտի Կիվիրյանը ԳԱԼԱ-ի հետ հարցազրույցում, վերլուծելով ընտրություններից ...
SAMVEL MARTIROSYAN
24.05.2017 | 21:29 Ֆեյսբուքյան ալգորիթմները խաբում են քաղաքական գործիչներին. «Wanna Cry» վիրուսը Հայաստանում Մեդիափորձագետ Սամվել Մարտիրոսյանը ԳԱԼԱ հեռուստաընկերության հետ հարցազրույցում խոսում ...
hayk gevorgyan
23.05.2017 | 20:54 Տնտեսությանը քաղաքական լուծումներ են պետք Տնտեսական լրագրող Հայկ Գևորգյանը ԳԱԼԱ հեռուստաընկերության հետ ունեցած ...
igityan
22.05.2017 | 21:12 Արցախից մինչև Եվրամիություն. արտաքին քաղաքական մարտահրավերներն ու գերակայությունները Միջազգային հարաբերությունների փորձագետ Հովհաննես Իգիթյանը ԳԱԼԱ հեռուստաընկերության հետ ...
arcrun hovhannisyan
19.05.2017 | 22:12 ՀՀ զինված ուժերը միշտ էլ հակաթույն ունեն ադրբեջանական ագրեսիայի դեմ ՀՀ պաշտպանության նախարարի մամուլի քարտուղար Արծրուն Հովհաննիսյանը ԳԱԼԱ ...
Снимок444
17.05.2017 | 23:02 Կոռուպցիա կա, դրա դեմ արդյունավետ պայքար չկա «Թրանսփարենսի ինթերնեյշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանը ...
vahagn xachatryan
16.05.2017 | 20:16 Հայաստանում դասական ֆեոդալական համակարգ է. Վահագն Խաչատրյան Տնտեսագետ Վահագն Խաչատրյանը ԳԱԼԱ հեռուստաընկերության հետ ունեցած հարցազրույցում ...
18449937_762761823893204_1231293878_n
13.05.2017 | 21:11 Հայաստանցիների համար Արցախի հարցը լուծված է Քաղաքագետ Ալեքսանդր Քանանյանը ԳԱԼԱ հեռուստաընկերության հետ ունեցած հարցազրույցում ...
aram karapetyan
12.05.2017 | 21:29 «Միայն մի ճանապարհ՝ հեղափոխություն». Արամ Կարապետյան «Նոր ժամանակներ» կուսակցության նախագահ Արամ Կարապետյանը ԳԱԼԱ հեռուստաընկերության ...
mesrop araqelyan
09.05.2017 | 20:22 Վստահության ճգնաժամ, դրական սպասումների բացակայություն Տնտեսագետ Մեսրոպ Առաքելյանը ԳԱԼԱ հեռուստաընկերությանը տված հարցազրույցում խոսում ...