Հասարակական- քաղաքական իրադարձությունները լուսաբանող հաղորդաշար, որի շրջանականերում անդրադարձ է կատարվում վերջին շաբաթվա կարեւորագույն իրադարձությանը: Տաղավար են հրավիրվում քաղաքական, հասարակական գործիչներ, ովքեր խոսում են կարեւորագույն իրադարձությունների մասին, վերլուծում եւ իրենց կարծիքն են արտահայտում թեմայի վերաբերյալ:

Լապշինի հարազատները Բելառուսի դեմ նույնիսկ ՄԻԵԴ դիմել չեն կարող. «Կարեւորի մասին»՝ Արփինե Հովհաննիսյանի հետ

16730083_716781675157886_1083600262_n

Արցախ այցելած հայտնի բլոգեր Ալեքսանդր Լապշինի՝ Բելառուսի կողմից Ադրբեջանին հանձնելու փաստի քննարկումն իրավական տիրույթում է: Իրավական ի՞նչ սկզբունքներով է առաջնորդվել Բելառուսի քաղաքական ղեկավարությունը: Բլոգերի հանձնումն իրավակա՞ն, թե՞ քաղաքական պահանջ էր:

Այս թեմաների շուրջ ԳԱԼԱ-ի տաղավարում «Կարեւորի մասին» հաղորդման շրջանակներում զրուցել ենք ՀՀ արդարադատության նախարար Արփինե Հովհաննիսյանի հետ:

Բելառուսի քաղաքագիտական շրջանակները հղում են անում Բելառուս-Ադրբեջան գործող համաձայնագրին: Ըստ ՀՀ արդարադատության նախարարի՝ Բելառուսի եւ Ադրբեջանի միջեւ կա եւ գործում է մեկ համաձայնագիր. խոսքը վերաբերում է 2002թ.-ի Քիշնեւի համաձայնագրին, որը կնքվել է ԱՊՀ շրջանակներում:

«Կոնվենցիան, ըստ էության, միակ փաստաթուղթն է, որ այս երկու երկրների միջեւ գործում է: Դրա համար ստիպված ենք հայացքներս հառել դեպի կոնվենցիայի համապատասխան դրույթներ: Մի կողմը պատրաստ է հանձնել անձին մյուս կողմին, եթե այն արարքները, որոնք մեղսագրվում են տվյալ անձին, երկու կողմում էլ՝ թե Բելառուսում, թե Ադրբեջանում, համարվում են հանցագործություններ: Եվ երկրորդ՝ հարցումը չպիտի բավարարվի կամ ենթակա չէ բավարարման, եթե ծանրակշիռ փաստարկներ կամ հիմքեր կան ենթադրելու, որ հարցում անող կողմն իր հարցման հիմքում դրել է քաղաքական հայացքների համար տվյալ անձին պատժելու խնդիրը»:

Ի՞նչ է սպառնում Լապշինին: Նրա նկատմամբ փաստորեն երկու հոդված է կիրառվել. առաջինը՝ Ադրբեջանի սահմանն ապօրինի կերպով հատելուն է վերաբերում, երկրորդը՝ հրապարակային կոչեր անելուն: Ադրբեջանի օրենսդրությամբ սա ի՞նչ պատիժ է ենթադրում:

Ադրբեջանի քրեական օրենսդրությամբ՝ Լապշինին սպառնում է 5-8 տարի ազատազրկում:

«Հայաստանն ունի շահագրգռվածություն, բայց դա երրորդ կողմի շահագրգռվածություն է: Իրավական տեսանկյունից Հայաստանն անգամ միջամտելու որեւէ լծակ չունի: Այստեղ պետք է աշխատեն այն լծակները, որոնց քաղաքացի է Լապշինն ինքը՝ ՌԴ-ն եւ Իսրայելը: Ադրբեջանի եւ այդ պետությունների միջեւ ինչ կոնվենցիաներ են գործում, այ դրանք նշանակություն կունենան»,- ասաց Ա. Հովհաննիսյանը՝ կարեւորելով այն հանգամանքը, որ Բելառուսի նկատմամբ որեւէ քայլ թեկուզ Լապշինի հարազատների կողմից՝ ՄԻԵԴ դիմելու հետ կապված, չի կարող լինել, որովհետեւ չկա այդ երկրի համար այդ կոնվենցիան, Բելառուսը չի վավերացրել, ԵԽ անդամ չէ, ՄԻԵԴ-ի ոչ մի որոշում չի աշխատում այդ երկրի համար:

Քրիստինա Մկրտչյան


Снимок
15.12.2017 | 22:04 Երկրում կազարմային իրավիճակ է. «Կարևորի մասին»՝ Արթուր Սաքունցի հետ «Մենք բոլորս գտնվում ենք քրեակատարողական հիմնարկում, ավելին, սա ...
11111
11.12.2017 | 19:18 «Բրավո՛, կեցցե՛ք, առաջին անգամ չէ, որ գաղափար եք տանում» Գյումրիում լույս տեսնող «Շրջապատ» շաբաթաթերթի խմբագիր Սյուզի Մեխակյանը ...
marzpet2
07.12.2017 | 21:39 Բոլոր դժբախտությունների համար պետք չէ մենակ պետությանը մեղադրել. Արթուր Խաչատրյան «Կարևորի մասին» հաղորդման շրջանակներում ԳԱԼԱ-ի հյուրն է Շիրակի ...
ապար
11.11.2017 | 20:57 Աղքատությունը Հայաստանում 2018թ.-ին ավելի է խորանալու. «Կարևորի մասին»՝ Վարդևան Գրիգորյանի հետ «2018թ.-ի բյուջեն չի բխում ժողովրդի շահերից: Չնայած նրան, ...
image
27.10.2017 | 21:33 Մարդու իրավունքների հետ կապված դեռ շատ խնդիրներ կան Հայաստանում. «Կարեւորի մասին» Միջազգային նշանակության վերջին զեկույցը, որը հրապարակվեց 2017թ.-ի սկզբներին, ...
zolyan
16.06.2017 | 20:54 Որքանո՞վ է հավանական լայնածավալ պատերազմ Արցախում Քաղաքագետ Միքայել Զոլյանը ԳԱԼԱ հեռուստաընկերության հետ զրույցում խոսում է հայ-ադրբեջանական ...
norayr norikyan
14.06.2017 | 20:54 Կառավարության վտանգավոր նախաձեռնությունը. ինչպես են խրախուսում ֆեոդալական կարգերի հաստատմանը ՀՀ կառավարության մայիսի 18-ի նիստում հավանության է արժանացել ...
vardan voskanyan
10.06.2017 | 20:53 Ավելի հզոր Իրան ահաբեկչությունից հետո Իրանագետ Վարդան Ոսկանյանը ԳԱԼԱ հեռուստաընկերության հետ ունեցած հարցազրույցում մեկնաբանում է ...
enigomshyan
07.06.2017 | 21:12 Պայթյունավտանգ կայունություն «Հիմնադիր խորհրդարանի» քարտուղարության անդամ Ալեք Ենիգոմշյանը ԳԱԼԱ հեռուստաընկերության ...