Լարված պայքար մինչև վերջին րոպեն․ «Լիվերպուլն» ու «Տոտենհեմը» հաղթողին չորոշեցին

timthumb (2)

Անգլիայի Պրեմիեր լիգայի 26-րդ տուրի շրջանակում «Լիվերպուլն» «Էնֆիլդում» հյուրընկալեց «Տոտենհեմին», հանդիպումն ավարտվեց 2։2 հաշվով։

Արդեն 3-րդ րոպեին Մոհամեդ Սալահը, օգտվելով մրցակցի պաշտպանների սխալից, առաջ մղեց «Լիվերպուլին»։ Մյուս գոլերն արձանագրվեցին հանդիպման վերջնամասում։ 80-րդ րոպեին փոխարինման դուրս եկած Վիկտոր Վանյաման վերականգնեց հավասարությունը։ 87-րդ րոպեին դաշտի տերերի դարպասին նշանակվեց 11-մետրանոց տուգանային, սակայն նշակետին մոտեցած Հարի Քեյնի հարվածը դիպուկ չստացվեց։ 91-րդ րոպեին Սալահը կրկին աչքի ընկավ տպավորիչ խաղով և դուբլ ձևակերպեց։

Թվում էր՝ Յուրգեն Կլոպի թիմին կհաջողվի առանցքային խաղում 3 միավոր վաստակել, սակայն 95-րդ րոպեին «Տոտենհեմի» օգտին նշանակվեց ևս մեկ 11-մետրանոց, որը Քեյնն այս անգամ անվրեպ իրացրեց։

Այժմ «Լիվերպուլն» ունի 51 միավոր և զբաղեցնում է մրցաշարային աղյուսակի երրորդ հորիզոնականը, իսկ «Տոտենհեմը» 49 միավորով հինգերորդ տեղում է։

sport.times.am

Դիտվել է՝