ԱՄՆ-ից արտաքսված դիվանագետները ժամանել են Մոսկվա. azatutyun.am

6C4D7EF8-E42C-400D-9062-C507220B97CC_w987_r1_s

«Ինտերֆաքս» գործակալությունը հայտնում է, որ Միացյալ Նահանգներում անցանկալի անձ հայտարարված 35 ռուսաստանյան դիվանագետներն այսօր «Ռոսիա» թռիչքային ջոկատի հատուկ օդանավով ժամանել են Մոսկվա:

Անցած հինգշաթի օրը ԱՄՆ վարչակազմը հաքերային հարձակումներ կազմակերպելու համար պատժամիջոցներ սահմանեց Ռուսաստանի մի շարք քաղաքացիների, ձեռնարկությունների ու գերատեսչությունների նկատմամբ: Պատժամիջոցները տարածվում են նաև Անվտանգության դաշնային ծառայության և Ռուսաստանի զինված ուժերի Գլխավոր շտաբի գլխավոր վարչության վրա:

Միաժամանակ անցանկալի անձ են հայտարարվել Վաշինգթոնում և Սան Ֆրանցիսկոյում աշխատող 35 ռուսաստանցի դիվանագետներ:

Ռուսաստանի նախագահ Վլադիմիր Պուտինը մերժել էր արտգործնախարար Սերգեյ Լավրովի առաջարկը՝ համարժեք քայլով Ռուսաստանից արտաքսել 35 ամերիկյան դիվանագետների:

Երեկ Միացյալ Նահանգների ընտրված նախագահ Դոնալդ Թրամփի ապագա մամուլի քարտուղար Շոն Սփենսըրը չէր բացառել, որ, արտաքսելով ռուսաստանցի դիվանագետներին, Սպիտակ տունը անհամաչափ է գործել:

azatutyun.am

Դիտվել է՝