Ռաքքայում երկու հայ ընտանիք է ազատվել ԻՊ-ի ձեռքից

70870

Սիրիայի կառավարական բանակին հաջողվել է Ռաքքայից հայ եւ ասորի մի քանի ընտանիքների ազատել, որոնք քաղաքից չէինք կարողացել հեռանալ «Իսլամական պետության» կողմից այստեղ վերահսկողություն հաստատելուց հետո:

Այս մասին գրում է «ԱԿՕՍ» պարբերականը՝ վկայակոչելով Սիրիայի քրդաբնակ շրջանում աշխատող անկախ լրագրող Մեսութ Մուհամմեդին:

Ազատագրված հայուհիներից Սաուս Կարապետյանը պատմել է, որ «Իսլամական պետության» զինյալներն իրենց ստիպել են գլխաշոր կրել, սակայն, մահմեդական կանանցից տարբերվելու համար, դեմքը չծածկել: Մյուս հայերն էլ պատմել են պարբերաբար ծաղրի ու ստորացումների ենթարկվելու, հսկայական տուրքեր վճարելու հարկադրանքի մասին:

«Իսլամական պետության» կողմից Ռաքքան գրավելուց հետո տեղի քրիստոնյաների մեծ մասն ապաստան է գտել Հասաքե քաղաքում:

artsakhpress.am

Դիտվել է՝