Արցախի ԱԳՆ ղեկավարն ընդունել է դեսպան Կասպշիկին

Kasprzyk

Փետրվարի 28-ին Արցախի Հանրապետության արտաքին գործերի նախարար Կարեն Միրզոյանն ընդունել է ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկին:

Հանդիպման ընթացքում քննարկվել են Արցախի Հանրապետության և Ադրբեջանի զինված ուժերի միջև շփման գծում տիրող իրավիճակին և ԵԱՀԿ գործող նախագահի անձնական ներկայացուցչի գրասենյակի կողմից իրականացվող դիտարկումներին վերաբերող մի շարք հարցեր։

Կողմերն անդրադարձ են կատարել ս.թ. փետրվարի 24-ի լույս 25-ի գիշերը Արցախի պաշտպանության բանակի դիրքերի վրա Ադրբեջանի զինված ուժերի կողմից ձեռնարկված հարձակման փորձին և դրա հետևանքով ստեղծված իրավիճակին։

Կարեն Միրզոյանն ընդգծել է, որ նշված միջադեպը ևս մեկ անգամ հաստատում է 1994 թ. և 1995 թ. համաձայնագրերով սահմանված հրադադարի ռեժիմի լիակատար վերականգնման և բանակցային գործընթացի վերսկսման պայմանների ստեծման շուրջ Վիեննայում և Սանկտ-Պետերբուրգում ձեռք բերված պայմանավորվածությունների պրակտիկ իրագործման անհրաժեշտությունը։

Դիտվել է՝