Մոսկվայում վրաերթի են ենթարկել հայտնի իրավապաշտպան Սերգեյ Գրիգորյանցին

F37F3E20-EA4B-4185-8CC8-7E921577E930_w1023_r1_s

Մոսկվայում վրաերթի են ենթարկել հայտնի իրավապաշտպան եւ այլախոհ Սերգեյ Գրիգորյանցին: Վարորդը փախուստի է դիմել դեպքի վայրից: Միջադեպի հետեւանքով վնասվել է Գրիգորյանցի ոտքը:

Տուժածը կարծիք է հայտնել, որ դեպքը պատահականություն չէ: 77-ամյա իրավապաշտպանը հայտնել է, որ վնասվածքը չի խանգարի իր գրական գործունեությանը:

Այլախոհ, քաղբանտարկյալ, լրագրող եւ գրականագետ Գրիգորյանցը  «Գլասնոստ» իրավապաշտպան հիմնադրամի նախագահն է: Նա Ազատության ոսկե գրիչ մրցանակի դափնեկիր է։

1975 թ. ձերբակալվել է ՊԱԿ-ի կողմից հակախորհրդային քարոզչության մեղադրանքով և ենթարկվել հինգ տարվա ազատազրկման։ 1982-1983 թ.թ. տարածել է նյութեր ԽՍՀՄ-ում մարդու իրավունքների խախտման մասին, ինչի համար 1983թ. ենթարկվել է յոթ տարվա ազատազրկման խիստ ռեժիմով։ 1987թ. համաներումից հետո ազատվել է, շարունակել իրավապաշտպան գործունեությունը։

Քննադատում է ՌԴ նախագահ Վլադիմիր Պուտինի գործունեությունը։

Նրա որդին՝ լրագրող Տիմոֆեյ Գրիգորյանցը, սպանվել է չբացահայտված հանգամանքներում։

Աղբյուր՝ svoboda.org

Թարգմ.՝ Էդուարդ Մխիթարյան

 

Դիտվել է՝