ԱՄՆ-ում նոր միջուկային ռումբ է փորձարկվել

gravitacionnaya_yadernaya_bomba_b61_12

ԱՄՆ-ում ավարտել են նոր գրավիտացիոն B61-12 ռումբի փորձարկումների շարքը: Այդ մասին հայտնել են ԱՄՆ-ի էներգետիկայի նախարարության մամուլի ծառայությունից:

Փորձարկումներն անցկացվել են Նեւադա նահանգի ռազմափորձադաշտում:

«Որակավորման թեստային փորձարկումները ցույց տվեցին, որ    B61-12 դիզայնը համապատասխանում է համակարգի պահանջներին»,-նշվում է հաղորդագրությունում:

Փորձարկումը նպատակ էր հետապնդում ստուգել, թե ինչպես կարող է B-2 Spirit ռմբակոծիչը տեղափոխել միջուկային եւ ոչ միջուկային զինատեսակները:

B61-12-ի արտադրությունը նախատեսվում է սկսել 2020թ.-ին: Այդ ռումբը պետք է փոխարինի ԱՄՆ-ի զինանոցում առկա B61-ին: 2017թ.-ի օգոստոսին ԱՄՆ-ը նոր ռումբերի 2 փորձարկում արդեն անցկացրել էր:

 

Աղբյուր՝ gordonua.com

Թարգմ.՝ Էդուարդ Մխիթարյան

Դիտվել է՝