ՌԴ օդուժի ռմբակոծիչները հարվածներ են հասցրել «Իսլամական պետության» օբյեկտներին

1

ՌԴ օդուժի Ту-22М3 մակնիշի 6 ռմբակոծիչներ հարվածներ են հասցրել «Իսլամական պետություն» ահաբեկչական խմբավորման՝ սիրիական Բու-Քեմալ շրջանում գտնվող օբյեկտներին: ՏԱՍՍ-ի տեղեկացմամբ, այդ մասին հայտնել են ՌԴ պաշտպանության նախարարությունից:

Ռուսաստանցի զինվորականները նշել են, որ ռմբակոծիչները ոչնչացրել են հակառակորդի կենդանի ուժը, ռազմական տեխնիկան եւ զինամթերքը:

«Բոլոր թիրախների ոչնչացումը հաստատվել է օբյեկտիվ վերահսկողության միջոցների կողմից», – ասվում է ՊՆ տարածած հաղորդագրությունում:

Ту-22М3 ռմբակոծիչներին ուղեկցել են Су-30СМ կործանիչները, որոնք տեղակայված են Լաթաքիա նահանգի Հմեյնիմ ավիաբազայում:

Մինչ այդ, ռուսաստանյան ռմբակոծիչներն այդ շրջանում նմանատիպ հարվածներ են հասցրել նաեւ նոյեմբերի 15-ին եւ 17-ին:

 Աղբյուր՝ ՏԱՍՍ

Թարգմ.՝ Էդուարդ Մխիթարյան

Դիտվել է՝