Թրամփի եւ Պուտինի հանդիպումը մեկնարկել է

4524948

G20-ի գագաթաժողովի շրջանակում տեղի է ունենում Ռուսաստանի նախագահ Վլադիմիր Պուտինի եւ ԱՄՆ նախագահ Դոնալդ Թրամփի առաջին անձնական հանդիպումը:

Ինչպես սպասում են Կրեմլում, երկկողմ բանակցությունների ընթացքում ՌԴ եւ ԱՄՆ ղեկավարներն ունենալու են «բավականին հանգամանալից զրույց»:

Զրույցը տեղի է ունենում Կոնգրես-կենտրոնում: Հանդիպումը սկսվեց ուշացումով:

Ռուսական կողմից հանդիպմանը ներկա է Ռուսաստանի ԱԳ նախարար Սերգեյ Լավրովը, իսկ ամերիկյան կողմից՝ պետքարտուղար Ռեքս Թիլերսոնը:

Վլադիմիր Պուտինը Դոնալդ Թրամփին ասել էր, որ ուրախ է նրա հետ ծանոթանալ եւ հույս ունի, որ դրական արդյունք կունենա հանդիպումը: «Ես շատ ուրախ եմ ձեզ հետ ծանոթանալու համար եւ հույս ունեմ, որ, ինչպես դուք էիք ասել, մեր հանդիպումը դրական արդյունք կուենա»-  նշել է Վլադիմիր Պուտինը հադիպման ժամանակ:

Աղբյուր՝ ՏԱՍՍ

Թարգմ.՝ Էդիտա Աթոյան


Դիտվել է՝